Jaqynda Qyzylorda qalasynda respýblıkanyń barlyq ardagerleri jınalyp, alqaly keńes ótkizdi. Onda biraz másele qaralyp, tıisti sheshimder shyǵaryldy. Osy jıyn týrasynda biz oblystyq ardagerler keńesiniń tóraǵasy Seıilbek ShAÝHAMANOVPEN áńgimelesken edik.
– Respýblıkanyń ardagerlerin aımaqqa jınap, semınar-keńes ótkizdińizder. Osy shara týraly aıtyp berseńiz...
Jaqynda Qyzylorda qalasynda respýblıkanyń barlyq ardagerleri jınalyp, alqaly keńes ótkizdi. Onda biraz másele qaralyp, tıisti sheshimder shyǵaryldy. Osy jıyn týrasynda biz oblystyq ardagerler keńesiniń tóraǵasy Seıilbek ShAÝHAMANOVPEN áńgimelesken edik.
– Respýblıkanyń ardagerlerin aımaqqa jınap, semınar-keńes ótkizdińizder. Osy shara týraly aıtyp berseńiz...
– Oblysta ardagerlerdi ardaqtaý, qarttaryn qadirleý baǵytynda aıryqsha ister jasaldy. Qyzylorda oblystyq ardagerler keńesiniń is-tájirıbesin Ortalyq keńes maquldap, elimizge arnaıy taratqan bolatyn. Sondyqtan ardagerler aktıviniń respýblıkalyq semınar-keńesiniń bizdiń oblysta ótýi de zańdylyq bolsa kerek. Jıynǵa Ardagerler uıymdary Ortalyq keńesiniń basshylary, Astana, Almaty qalalarynyń jáne oblystyq, qalalyq, aýdandyq ardagerler keńesteriniń tóraǵalary, birqatar oblystyq mekeme, uıym basshylary qatysty. Semınar-keńestiń alǵashqy kúni qonaqtar qalanyń kórikti jerlerin aralady. «Syr-Ana» monýmentinde teatrlandyrylǵan kórinis kórsetildi. Oblystyq mádenıet salasynyń ónerpazdary kelýshilerge ánnen shashý shashyp, bıshiler óz ónerlerin usyndy. Aıtysker aqyn Muhtar Nııazov ardagerlerge jyr arnady. Munan keıin Tuńǵysh Prezıdent saıabaǵynda bolǵan ardagerler «Ardager alleıasyna» birneshe túp jasyl aǵash otyrǵyzdy. Munan keıin «Jalańtós Bahadúr» eskertkishinde, «Taǵzym» alańynda bolyp, gúl shoqtaryn qoıdy. Syr súleıleri alleıasyn aralap, tamashalady. Respýblıkalyq semınardyń ekinshi kúni delegattar aldymen oblystyq medısına ortalyǵynyń jumysymen tanysty. Onan soń mártebeli meımandar oblystyq medısına ortalyǵyndaǵy bastaýysh ardagerler uıymynyń jumysyn kórdi. Bastaýysh ardagerler uıymynyń tiziminde 89 ardager bar eken. Munda sala ardagerleri úshin barlyq jaǵdaı jasalǵan. Respýblıkalyq semınarǵa qatysýshylardyń ekinshi toqtaǵan jeri ardagerler úıi boldy. Zeınetkerler men múgedekterge áleýmettik qyzmet kórsetý aýmaqtyq ortalyǵy 2010 jyldyń qazan aıynda qurylǵan. 50 orynǵa arnalǵan ortalyq negizinen zeınetkerler men múgedekterge, soǵys jáne eńbek ardagerlerine medısınalyq-áleýmettik qyzmetter kórsetýge jáne olardyń bos ýaqyttaryn tıimdi ótkizýge arnalǵan. Búgingi tańda aımaqta 692 bastaýysh uıym bar, olardyń sany áli de arta túsýde. Ardagerler úıinde oblystyń barlyq ardagerleriniń tizimi, olar jaıynda barlyq málimetter kompıýterge engizilgen, túgeldeı derlik ınternetke qosylǵan, kez kelgen ýaqytta izdegen adamymyz jaıynda naqty málimet ala alamyz. Ardagerler úıinde demalýshylardan jasaqtalǵan ansambl án-jyrdan shashý shashyp, shara mazmunyn baıyta tústi.
Respýblıkadan jınalǵan ardagerler onan soń Syrdarııa aýdanyna qarasty Naǵı Ilııasov aýylynyń tynys-tirshiligimen tanysty. Aýdan ákimi Ǵanı Qazantaev óńirde atqarylyp jatqan jumystar jóninde aıtyp ótse, aýdandyq ardagerler keńesiniń tóraǵasy Haırýlla Ábenov ardagerler uıymynyń qyzmeti, ahýaly týraly áńgimeledi. Sonymen birge, aýyldaǵy sharýashylyq ıesi, «Abzal jáne K» tolyq seriktestiginiń tóraǵasy Abzal Erálıev semınarǵa qatysýshylarǵa jyly lebizin bildirdi. О́z kezeginde qonaqtar da ystyq yqylastaryn jetkizip jatty. Máselen, respýblıkalyq ardagerler uıymy Ortalyq keńesiniń tóraǵasy О́mirzaq Ozǵanbaev aýyl azamattarynyń iskerligine, aýyl turǵyndarynyń aýyzbirligine rızashylyǵyn jetkizdi. Budan keıin semınarǵa qatysýshylar Qorqyt ata atyndaǵy Qyzylorda memlekettik ýnıversıteti bastaýysh ardagerler uıymynyń jumysyn tamashalady. Ondaǵy jaqsy tájirıbeler men úlgili isterdi kórip, ózara pikir alysty. Qyzylorda qalasyndaǵy Ortalyq alańda jastar ortasynda salamatty ómir saltyn nasıhattaý aksııasyna da qatysty. Sonymen qatar, semınarǵa qatysýshylardy oblys ákimi Qyrymbek Kósherbaev qabyldap, oblys ekonomıkasy men áleýmettik jaǵdaıy jaıly keńinen baıandady. Alda atqarylar jumystar baǵdarlamasymen tanystyrdy.
– Ardagerlerdiń jıynynda budan basqa qandaı másele talqylandy?
– Respýblıkalyq ardagerler uıymy Ortalyq keńesiniń tóraǵasy О́mirzaq Ozǵanbaev «Prezıdent N.Nazarbaevtyń Qazaqstan halqyna Joldaýynyń mindetterin jáne ardagerlerdiń VI seziniń sheshimderin oryndaý barysyndaǵy ardagerler uıymdarynyń jumysy týraly» baıandama jasady. Ol elimizdiń qazirgi tańda úlken jetistikterge jetip, dúnıe júzine tanymal, strategııalyq turǵydan senimdi áriptes, baısaldy da sergek memleket bolýyna ardagerlerdiń sińirgen eńbegi zor ekenin aıtty. Árige barmaı-aq búgingi táýelsiz Qazaqstan memleketiniń irgetasyn qalaý jolynda myńdaǵan ardagerlerimiz Elbasyna kómekshi bola bilgenin jetkizdi. Qoǵamnyń barlyq salasynda eńbek etken ardagerler ózderiniń baı tájirıbesin, bilimi men biligin táýelsiz elimizdiń aıaǵynan tik turyp ketýine jumsaǵanyn baıandady.
Bıyl Respýblıkalyq ardagerler uıymynyń Ortalyq keńesi Qarttar kúninde qurmetke bólenip, aty atalmaǵan, syı kórmegen qarııa qalmasyn degen tilekpen «Qamtylmaǵan qalmasyn!» atty úndeý jarııalady. Ardagerler barǵa qanaǵat etip úırengen jandar, olar baǵaly syılyq dámetpeıdi. Olarǵa keregi jyly meıirim men ystyq yqylas qana. Respýblıkalyq ardagerler uıymy «Nur Otan» partııasynyń «Jas Otan» jastar qanatymen yntymaqtastyq jónindegi memorandýmǵa qol qoıǵan bolatyn-dy. Osy oraıda jastar belsendiligin tıimdi paıdalana bilý de kóp isti ilgeri jyljytary anyq. Jastarǵa patrıottyq tárbıe berý, ata-baba dástúrlerin urpaqqa amanat etý sekildi máselelerdi basshylyqqa alǵan kóptegen oblysta arnaıy baǵdarlamalar qabyldandy. Máselen, Almaty oblysynda «Atadan – ulaǵat», «Ájeler – otbasynyń berekesi», «Enesi jaqsynyń shańyraǵy shaıqalmaıdy» atty forýmdar uıymdastyrylyp, jastar tárbıesine jete mán berilip keledi. Sondaı-aq ardagerler ózderiniń júmystaryn jalpaq jurtqa jetkizý úshin ár jerde ózderiniń basylymdaryn shyǵaryp jatyr. Mysaly, Qostanaı, Jambyl jáne Qyzylorda oblystarynda ardagerlerdiń «Ardager», «Ǵumyr-Darııa», «Syr ardageri» atty tól gazetteri jaryq kóredi.
Árıne, ardagerlerdiń atqarǵan isteri men olarǵa jasalǵan qamqorlyq jaıynda aıta berýge bolady. Degenmen, jergilikti ákimdikter, mekeme, kásiporyn basshylary, bıznes qurylymdarynyń ókilderi tarapynan ardagerlerge jasalatyn qamqorlyqtardy udaıy, turaqty túrde jasatý maqsatynda «Ardagerler týraly» Zańnyń qabyldanýy asa qajet-aq. Elbasy óziniń Joldaýynda «Memleket zeınetkerlerge, múgedekterge, jumys isteı almaıtyndarǵa, aýrý balalarǵa naqtyly qoldaý kórsetýge tolyq jaýapty», dep atap kórsetken bolatyn. Olaı bolsa joǵarydaǵy zań qabyldanyp, qarttarǵa jasalatyn qamqorlyqty eselep arttyratyn kún de alys emes. Tek sol kúnge qarttarymyz aman-saý jetsin deıik.
– Áńgimeńizge rahmet.
Áńgimelesken
Erjan BAITILES,
«Egemen Qazaqstan».
QYZYLORDA.
