Saıyp kelgende, Almaty qalasynyń ekologııasyn jaqsartý isinde mańyzdy qadam jasalýda. О́ıtkeni atmosferalyq aýanyń sapasyna jumysy keri áser etetin nysandar qalada barshylyq (avtokólik, qoǵamdyq kólik jáne jeke sektordyń aýaǵa zııandy shyǵarýlary, jylý men energııany kómir jaǵý arqyly óndiretin ózge de kásiporyndar). Onyń ústine, qalanyń aldynda kógaldandyrýǵa, jel rejimin eskere otyryp qurylys júrgizýge, otynnyń sapasyna jáne t.b. baılanysty máselelerdi sheshý tur.
JEO-2-ni jańǵyrtýdyń kóptegen nusqasy qarastyryldy. «AlES» AQ-tyń tapsyrysy boıynsha bul jumysty energetıka salasynda qurylys júrgizýdiń 60 jyldyq tarıhy bar, jylý energetıkasy salasyndaǵy jobaǵa daıyndyq jáne jobalaý jumystarynyń keń aýqymyn atqaratyn «QazEnergoónerkásiptikǴZJI» jobalaý ınstıtýty júrgizdi.
JEO-2-ni tabıǵı gaz jaǵýǵa kóshirý atmosferaǵa zııandy zattar shyǵarýdy azaıtýdyń jáne stansa áserin tıgizetin aýmaqta aýanyń sapasyn jaqsartýdyń eń tıimdi joly ekeni kúmánsiz. Sol arqyly atmosferaǵa lastaýshy zattar shyǵarýdyń jyldyq sany 80%-dan astamǵa qysqarady.
Qazirgi ýaqytta «Samuryq-Energo» AQ tarıftik salmaqtyń meılinshe tómendeýi mindetti túrde qamtamasyz etilýin jáne jobanyń tolyq aqtalýyn eskere otyryp, ony qarjylandyrýdyń tıimdi kózderi men qarjylandyrý tásilderin tartý boıynsha jumysty jalǵastyrýda. Osylaısha kompanııa jylý jáne elektr energııasynyń negizgi tutynýshylary bolyp tabylatyn qala turǵyndarynyń barlyq múddelerin eskeredi.
Aıta ketelik, Almaty JEO-2 – Qazaqstandaǵy elektr jáne jylý energııasyn qatar óndiretin asa iri jylý stansasy. Stansa Almaty qalasyn jylý jáne elektr energııasymen qamtamasyz etedi. JEO-2-niń belgilengen elektrlik qýaty 510 MVt-ty, jylýlyq qýaty 1411 Gkal/saǵatty quraıdy.
