Kóliktegi polısııa departamentinde «Tranzıt» jáne «Qarasora» profılaktıkalyq is-sharalary kezinde О́skemen-1 stansasyndaǵy Jelilik polısııa bólimi qyzmetkerleri esirtki ósirý týraly jedel aqparatty tekserý barysynda Shyǵys Qazaqstan oblysy Serebrıansk qalasy temir jol janynda ornalasqan jeke turǵyn úılerdiń bireýinde tintý júrgizgenin aıtyp berdi. Tintý barysynda 45 jastaǵy turǵynnyń úıiniń aýlasynan qarasora ósimdikteri jáne keptirilgen marıhýana tabyldy.
Esirtkiniń jalpy salmaǵy 50-den asa kılogramdy qurady.
Aıta ketý kerek, aǵymdaǵy jyldyń basynan beri Kóliktegi polısııa qyzmetkerleri 22 esirtki quqyq buzýshylyǵyn anyqtady, onyń 25-i esirtki satý, 15-i asa iri kólemde saqtaý jáne 4-i esirtki kontrabandasy faktileri.
Zańsyz aınalymnan jalpy salmaǵy 153 keliden asatyn esirtkiniń ár túri alyndy, onyń ishinde 38 gramm geroın.
