2013 jylǵy 28 maýsym Astana qalasy
Memlekettik kórsetiletin qyzmettiń qunyn aıqyndaý ádistemesin bekitý týraly
Qazaqstan Resýblıkasynyń «Memlekettik kórsetiletin qyzmetter týraly» Zańynyń 8-babynyń 7) – tarmaqshasyna sáıkes, buıyramyn:
1. Qosa berilip otyrǵan Memlekettik kórsetiletin qyzmettiń qunyn aıqyndaý ádistemesi bekitilsin.
2 Qazaqstan Respýblıkasy Ekonomıka jáne bıýdjettik josparlaý mınıstrliginiń Memlekettik basqarý júıesin damytý departamenti (A.A.Qudaıbergenovaǵa) buıryqty zańnamada belgilengen tártipte:
1) osy buıryqtyń Qazaqstan Respýblıkasy Ádilet mınıstrliginde memlekettik tirkelýin;
2) osy buıryqty Qazaqstan Respýblıkasy Ádilet mınıstrliginde memlekettik tirkelgennen kúntizbelik on kún ishinde buqaralyq aqparat quraldaryna resmı jarııalaýǵa joldanýyn;
3) osy buıryqtyń Qazaqstan Respýblıkasy Ekonomıka jáne bıýdjettik josparlaý mınıstrliginiń ınternet-resýrsynda jarııalanýyn qamtamasyz etsin.
3. Osy buıryqtyń oryndalýyn baqylaý Qazaqstan Respýblıkasy Ekonomıka jáne bıýdjettik josparlaý mınıstrliginiń vıse-mınıstri M.E.Ábilqasymovaǵa júktelsin.
4. Osy buıryq resmı jarııalaýǵa jatady jáne memlekettik tirkelgen kúnnen bastap qoldanysqa engiziledi.
Mınıstrdiń mindetin atqarýshy M.QUSAIYNOV.
Qazaqstan Respýblıkasy Ekonomıka jáne bıýdjettik josparlaý mınıstriniń
mindetin atqarýshynyń 2013 jylǵy 28 maýsym №197 buıryǵymen bekitildi
Memlekettik kórsetiletin qyzmet qunyn anyqtaý ádistemesi
1. Jalpy erejeler
1. Osy Memlekettik kórsetiletin qyzmettiń qunyn anyqtaý ádistemesi (budan ári – Ádisteme) qyzmet kórsetýshiler kórsetetin memlekettik kórsetiletin qyzmetterdiń qunyn aıqyndaý úshin qoldanylady.
2. Osy Ádistemede mynadaı termınder men anyqtamalar qoldanylady:
1) memlekttik qyzmet quny – qyzmet alýshylardyń joldanymy boıynsha dara tártipte júzege asyrylatyn bólek memlekttik fýnksııalardyń oryndalýyna baǵyttalatyn qyzmet alýshynyń shyǵys somasy jáne negizgi kórsetkishi, bıýdjettik baǵdarlamanyń qunyn esepteýdiń quramdy bóligi bolyp tabylady.
2) qarjylyq jyl – memlekettik qyzmetterdi kórsetý júzege asyratyn kúntizbelik jyldyń 1 qańtarynan bastalyp 31 jeltoqsanynda aıaqtalatyn ýaqyt aralyǵy.
2. Memlekettik kórsetiletin qyzmettiń qunyn esepteý kezindegi shyǵystardyń qurylymy
3. Shyǵystardyń jalpy somasy tikeleı jáne janama shyǵystardy qamtıdy.
4. Tikeleı shyǵystarǵa qyzmeti tikeleı memlekettik qyzmetti kórsetýge baǵyttalǵan qyzmetkerlerdiń eńbekaqylary boıynsha shyǵyndar jatady, atap aıtqanda:
1) jalaqyǵa, onyń ishinde «Qazaqstan Respýblıkasynyń memlekettik bıýdjeti jáne Ulttyq Bankiniń smetasy (bıýdjeti) esebinen qamtylǵan Qazaqstan Respýblıkasy organdary qyzmetkerlerine eńbekaqy tóleýdiń biryńǵaı júıesi týraly» Qazaqstan Respýblıkasy Prezıdentiniń 2004 jylǵy 17 qańtardaǵy № 1284 Jarlyǵyna, «Azamattyq qyzmetshilerge, memlekettik bıýdjet qarajaty esebinen ustalatyn uıymdardyń qyzmetkerlerine, qazynalyq kásiporyndardyń qyzmetkerlerine eńbekaqy tóleý júıesi týraly» Qazaqstan Respýblıkasy Úkimetiniń 2007 jylǵy 29 jeltoqsandaǵy № 1400 qaýlysyna sáıkes aıqyndalatyn qyzmetkerleri tikeleı memlekettik qyzmet kórsetetin zańdy jáne jeke tulǵalardyń eńbek aqysyn tóleý shyǵystary;
2) eńbekaqy qorynyń aýdarymdary, onyń ishinde jeke tabys salyǵy, jınaqtaýshy zeınetaqy qorlaryna mindetti zeınetaqy jarnasy;
3) yntalandyrýshy, kótermeleýshi sıpattaǵy, sondaı-aq qosymsha jumystar úshin aqshalaı tólemder;
4) ótemaqy tólemderi.
5. Janama shyǵystarǵa memlekettik kórsetiletin kyzmetti kórsetý prosesin qamtamasyz etýge baǵyttalǵan shyǵyndar jatady, atap aıtqanda:
1) kommýnaldyq qyzmetterdi tóleýge jumsalatyn shyǵystar;
2) baılanys qyzmetin tóleýge jumsalatyn shyǵystar;
3) kólik qyzmetin tóleýge jumsalatyn shyǵystar;
4) úı-jaıdy jalǵa alýǵa jumsalatyn shyǵystar;
5) materıaldyq qorlar satyp alýǵa jumsalatyn shyǵystar (sharýashylyq materıaldar, keńse kerek-jaraqtary);
6) materıaldyq emes aktıvter satyp alýǵa jumsalatyn shyǵystar;
7) ózge de qyzmetter men jumystarǵa tóleýge jumsalatyn shyǵystar (ǵımarattar men úı jaılardy, jabdyqtary, kóliktik jáne basqa negizgi quraldardy ustaýǵa, qyzmet kórsetýge);
8) ózge de aǵymdaǵy shyǵystar (6 tarmaqtyń 1-7) tarmaqshalarynda kózdelmegen ózge de aǵymdaǵy shyǵystar memlekettik kórsetiletin qyzmet qunyna olardyń qyzmetti kórsetý úshin jumsalǵan mólsherinde ǵana qosylady).
3. Memlekettik kórsetiletin qyzmet qunyn esepteý
6. Memlekettik kórsetiletin qyzmetterdiń quny Bir ret kórsetilgen memlekettik kórsetiletin qyzmet qunyn esepteý kestesi (budan ári – Keste) boıynsha bir ret kórsetilgen árbir memlekettik kórsetiletin qyzmetke osy Ádistemege qosymshaǵa sáıkes nysan boıynsha esepteledi.
Kesteniń 1-baǵanynda Keste joldarynyń rettik sany kórsetiledi.
Kesteniń 2-baǵanynda memlekettik kórsetiletin qyzmettiń ataýy kórsetiledi.
Kesteniń 3-baǵanynda 1 jyl (qarjy jyly) kórsetilgen memlekettik qyzmettiń sany memlekettik kórsetiletin qyzmettiń árbir ataýy boıynsha bólinisinde (bir qarjy jyly ishinde kórsetilgen jekelep alǵan ataý boıynsha memlekettik kórsetiletin qyzmet sany);
Kesteniń 4-baǵanynda árbir memlekettik kórsetiletin qyzmet ataýy boıynsha bólinisinde memlekettik kórsetiletin qyzmet sany kórsetiledi.
Tolyq avtomattandyrylǵan nysanda (adamnyń qatysýynsyz) memlekettik kórsetiletin qyzmet quny eseptelgen jaǵdaıda, «qyzmetkerler sany» jolynda 1 sany kórsetiledi.
Ishinara avtomattandyrylǵan nysanda (adamnyń qatysýymen aqparattyq júıeniń kómegimen) kórsetiletin memlekettik qyzmet quny eseptelgen jaǵdaıda, «qyzmetkerler sany» baǵanynda tikeleı memlekettik qyzmetti kórsetken qyzmetkerler sany men 1+qosyndysy kórsetiledi;
Kesteniń 5-baǵanynda Ádistemeniń 5 tarmaǵynyń 1 – 4) tarmaqshasynda kórsetilgen tikeleı shyǵystardy qosý jolymen memlekettik kórsetiletin qyzmetterdiń árbir ataýy boıynsha jeke memlekettik qyzmet kórsetetin qyzmetkerler sanynda jumsalatyn tikeleı shyǵystardyń jalpy somasy kórsetiledi;
Kesteniń 6-baǵanynda qyzmet kórsetýshi qyzmetkerleriniń jalpy sany kórsetiledi;
Kesteniń 7-baǵanynda memlekettik qyzmet kórsetýge jumsalatyn janama shyǵystardyń jalpy sany kórsetiledi.
Kesteniń 8-baǵanynda tikeleı memlekettik qyzmet kórsetetin qyzmetkerler sanyna qyzmet kórsetýshi qyzmetkerleriniń jalpy sanyna araqatynasymen aıqyndalatyn janama shyǵystardyń úlesi (kesteniń 4 – baǵanynyń máni men kesteniń 6 – baǵanyndaǵy mánine araqatynasy túrinde aıqyndalady).
Kesteniń 9-baǵanynda 8 - baǵanda aıqyndalǵan mánine sáıkes memlekettik qyzmettiń árbir ataýy boıynsha janama shyǵystardyń jalpy somasynyń bólinýi kórsetiledi (kesteniń 7 - baǵanynyń mánin kesteniń 8 baǵanynyń mánine kóbeıtýmen aıqyndalady).
Kesteniń 10-baǵanynda árbir memlekettik kórsetiletin qyzmettiń ataýy boıynsha jeke syzyqtyq úlester boıynsha bólingen janama shyǵystardyń qosyndysy jınaqtalady (kesteniń 5 – baǵanynyń máni men kesteniń 9 - baǵanynyń mániniń araqatynasymen aıqyndalady).
Kesteniń 11-baǵanynda memlekettik kórsetiletin qyzmettiń árbir ataýy boıynsha jeke memlekettik kórsetiletin qyzmettiń kórsetilgen sanyna tikeleı jáne bólikterge bólingen janama shyǵystardyń somasyn bólý jolymen árbir memlekettik kórsetiletin qyzmettiń ataýy boıynsha aıqyndalatyn kórsetilgen memlekettik qyzmettiń quny kórsetiledi (10 - baǵannyń 3 - baǵanǵa araqatynasy arqyly anyqtalady).
4. Memlekettik kórsetiletin qyzmettiń qunyn qoldaný
7. Memlekettik kórsetiletin qyzmettiń quny qyzmet kórsetýshilerge memlekettik qyzmetter kórsetýdiń ekonomıkalyq tıimdiligin aıqyndaý maqsatynda esepteledi.
Qyzmet kórsetýshilerge memlekettik qyzmetter kórsetýdiń ekonomıkalyq tıimdiligi aǵymdaǵy kezeńdegi memlekettik qyzmet qunynyń aldyńǵy kezeńdegi memlekettik qyzmet qunyna ara qatynasy jolymen aıqyndalady:
Qn= Aq (aǵymdaǵy kezeńdegi) / Qn (aldyńǵy kezeńdegi)
munda:
Qn (aǵym.kezeń.) – aǵymdaǵy kezeńdegi memlekettik qyzmet quny,
Qn (aldyń.kezeń) – aldyńǵy kezeńdegi memlekettik qyzmet quny.
8. Eger memlekettik qyzmetter kórsetýdiń ekonomıkalyq tıimdiligi 1-ge teń koeffısıentten artyq bolsa, onda shyǵyndardy ońtaılandyrý jónindegi basqarýshylyq sheshimder qabyldaý úshin qyzmet kórsetýshi shyǵyndarynyń qurylymyna taldaý jasalady.
9. Memlekettik kórsetiletin qyzmettiń quny, sondaı-aq aqyly negizde kórsetiletin memlekettik qyzmetterdi ákimshilendirýdiń tıimdiligin (rentabeldiligin) aıqyndaý úshin de qoldanylady.
Aqyly negizde kórsetiletin memlekettik qyzmetterdi ákimshilendirýdiń tıimdiligi (rentabeldiligi) memlekettik qyzmet kórsetý kezinde bıýdjet kirisine alynǵan somanyń memlekettik qyzmet qunyna ara qatynasy jolymen esepteledi:
Át = Qn / Bk
munda:
Et – aqyly negizde kórsetiletin memlekettik qyzmetterdi ákimshilendirýdiń tıimdiligi (rentabeldiligi),
Qn – memlekettik qyzmet quny,
Bk – kórsetilgen memlekettik qyzmetten bıýdjetke túsetin kiris somasy.
10. Eger aqyly negizde kórsetiletin memlekettik qyzmetterdi ákimshilendirý tıimdiligi (rentabeldiligi) 1 koeffısıentinen artyq bolǵan jaǵdaıda, memlekettik kórsetiletin qyzmet úshin tólem (alym) mólsherlemeleriniń mólsherin qaıta qaraý týraly sheshim qabyldanady, ne memlekettik qyzmetti básekelestik ortaǵa berý týraly másele qaraýǵa shyǵarylady.
Memlekettik kórsetiletin qyzmettiń qunyn aıqyndaý Ádistemesine qosymsha
nysan
Bir ret kórsetilgen memlekettik kórsetiletin qyzmettiń qunyn esepteý kestesi
Kezeń
№ p/p Memleket-
tik kórse-
tiletin qyzmettiń ataýy 1 jylǵa kórsetiletin memlekettik qyzmet sany (ret) Berilgen memlekettik qyzmetti tikeleı kórsetetin qyzmetker-ler sany (adam) Berilgen memlekettik qyzmetti tikeleı kórsetetin qyzmetker-ler sanyna arnalǵan tikeleı shyǵystar (myń teńge) Qyzmet kórsetýshiniń jalpy qyzmetker-ler sany (adam) Janama shyǵys-tardyń jalpy somasy (myń teńge) Janama shyǵystar-dyń tutyný úlesi % (6 / 4 baǵana). Janama shyǵystar jalpy somasyn tutynýshy-lar úlesine bólý (myń teńge) (7 * 8 baǵana). Janama shyǵystar úlesi boıynsha úlestiriletin tikeleı shyǵystar somasy (myń teńge) (5 + 9 baǵana) Memlekettik kórsetiletin qyzmettiń quny, (myń teńge) (10 / 3 baǵana)
1 2 3 4 5 6 7 8 9 10 11
1. A
2. B
3. S
4. D
Jıyny 0 H 0 0 0 0 0 0 0
Buıryq Qazaqstan Respýblıkasynyń Ádilet mınıstrliginde 2013 jylǵy 11 shildede Normatıvtik quqyqtyq kesimderdi memlekettik tirkeýdiń tizilimine №8568 bolyp engizildi.
