Medısına • 17 Qyrkúıek, 2020

Almatyda telemedısına ortalyǵy ashyldy

17 ret kórsetildi

Almatyda koronavırýstyń jańa tolqynyna daıyndyq aıasynda telemedısına ortalyǵy quryldy, dep habarlaıdy Egemen.kz

О́ńirlik kommýnıkasııalar qyzmetiniń alańynda ótken onlaın-brıfıng barysynda Almaty qalasynyń qoǵamdyq densaýlyq saqtaý basqarmasynyń basshysy Kamaljan Nadyrov koronavırýstyń ekinshi tolqynyna daıyndyq aıasynda jasalyp jatqan sharalar týraly aıtty.

Endi almatylyqtar medısınalyq keńesti telemedısına kómegimen ala alady. Ol úshin Almatyda telemedısına ortalyǵy quryldy. K.Nadyrovtyń aıtýynsha, atalǵan ortalyqtyń mindeti - COVID-19 vırýsy bolýy yqtımal jáne rastalǵan jaǵdaılary bar naýqastarǵa keńes berý jáne monıtorıng júrgizý.

"Bul COVID-19 vırýsyn emdeý boıynsha biregeı qyzmet bolyp otyr. Ol úshin medısınalyq aqparattyq júıelermen ıntegrasııalanatyn baǵdarlama ázirlenýde. Telemedısına ortalyǵynyń dárigeri beınekeńes júrgizedi, naýqastyń jaǵdaıyn baǵalaıdy, em taǵaıyndap, naýqastyń elektrondyq kartasyna ózgerister engizip otyrady. Bul sonymen qatar barlyq COVID-19 jaǵdaılarynyń biryńǵaı elektrondyq bazasy bolady", dep túsindirdi K.Nadyrov.

Sondaı-aq, osy ortalyqtyń mańyzdy fýnksııalarynyń biri – naýqastardyń karantın rejımin saqtaýyn baqylaý. Ortalyq qyzmetkerleri ambýlatorııalyq deńgeıde em alyp jatqan naýqastarǵa beıneqońyraý shalyp turady.

"Úı rejıminiń buzylýy anyqtalǵan jaǵdaıda taýarlar men qyzmetterdiń sapasy men qaýipsizdigin baqylaý komıtetiniń aýmaqtyq departamentine tıisti sıgnal beriledi, odan ári qalalyq bas memlekettik sanıtar dárigeriniń qaýlysyna saı tártip buzýshyǵa aıyppul jazylady. Tártipti óreskel buzýshylar qala emhanalarynyń birine májbúrli túrde jatqyzylady. Bul - óte mańyzdy jaıt, óıtkeni bizdiń mindetimiz - qalada ınfeksııanyń taralý qaýpin barynsha tómendetý", deıdi basqarma basshysy.

 

Sońǵy jańalyqtar

Saqtansań – saý bolarsyń

Aımaqtar • Keshe

Sırk - álem nazarynda

Qazaqstan • Keshe

Uqsas jańalyqtar