Ǵalymdar aqyr zaman oryn alatyn jańa ýaqytty atap kórsetti. Olardyń esepteri boıynsha, Jerdiń apatqa ushyraýy 2014 jylǵy maýsym aıynda bolady. Buǵan ǵarysh bulty tikeleı áser etedi. Bul týraly news.nur.kz habarlady.
Kembrıdj ýnıverstıtetiniń NASA-men jaqyn aralasatyn astrofızıkteriniń biri doktor Albert Shervınskıı 2014 jylǵy maýsym aıynda Kún sıstemasyn qyshqyl bult búldiredi dep esepteıdi. Ol atalmysh bulttyń bizdiń planetamyzǵa qaraı jaqyndap kele jatqanyna, endi jylǵa jetpeıtin ýaqytta onyń jermen soqtyǵysatynyna, sodan soń Jer betindegi tiri tirshilik ataýlynyń túgel quryp ketetinine senimdi.
Osyndaı málimdeme jasaı otyryp, ǵalym óziniń esepteýlerin de usynady. Ol NASA-nyń budan birneshe jyl buryn jolynda kezdeskenniń bárin japyryp, Jerge qaraı jyljyp kele jatqan orasan zor bulttyń tozańy men «qyshqyldy tumandy» sýretke túsirip alǵanyn aıtady. Biraq NASA-daǵylar eshqandaı da qyshqyldy bult jóninde habarlary joq ekenin aıtyp otyr. Al ǵalym bul uıymnyń jurt arasynda úreı týǵyzbaý úshin shyndyqty jasyryp, úndemeı otyrǵanyn málim etedi.
Bul jańalyqty Reseı ǵalymdary kekesinmen qabyldady. «Bul áldeqandaı bir sandyraq», - desti olar.
Aıta ketý kerek, sońǵy jyldary Apokalıpsıs, ıaǵnııa aqyrzaman týraly óte jıi sóz qozǵalyp keledi. Sońǵy ret álem halqy maııa kúntizbesiniń dereginen shyǵaryp, aqyrzamandy 2012 jylǵy 21 jeltoqsanda kútti. Biraq adamzat odan aman ketti. Sosyn bıylǵy jazda shotland ǵalymdary óz baılamdaryn aıtty. Olar aqyrzamandy endi bir mıllıard jyldan keıin ǵana kútýge bolatynyn jetkizdi.
Murat Aıtqoja.
