• 02 Qarasha, 2013

Belgili rejısser Qazaqstan elıtasyn synǵa aldy

406 ret

kórsetildi

2 mın

oqý úshin

Egemen Qazaqstan

02-11-13-ermek tursunov

Belgili jazýshy, ssenarıst jáne rejısser Ermek Tursynov qazirgi Qazaqstan elıtasyn synǵa aldy. «Lıter» gazetine bergen suhbatynda ol búgingi zııaly qaýym ókilderi «tarıhqa da, mádenıetke de, áldekimge uqsaýǵa da múldem qyzyqpaıdy», «tek qana eldi tonaýmen aınalysady» degendi jaıyp saldy. «Bizdiń elıtanyń elimizge rýhanı qubylys retinde, mádenı qubylys retinde qaraýǵa túkirgeni bar sııaqty bolyp kórinedi. Barlyq joǵary qaýym, sonyń ishinde grant alý úshin, áldeqandaı qyzmet, ataq, ordender men medaldar, qoǵamda belgili bir oryn alý úshin udaıy júgirip júretin shyǵarmashylyq ókilderi de keıde adamdyq deńgeılerinen tómen ketip jatady. Bul - aqshaǵa, grantqa, ustanymǵa degen quldyq pıǵyl», - dedi rejısser. Tursynovtyń pikirinshe, elıta men buqara bir-birlerin moıyndamaıdy. «Osy jerden bizdiń qoǵamdaǵy tózimsizdik, qaskóılik, osy jerden ózin-ózi qorlaýshylyq, eshqandaı birliktiń bolmaýy, bir-birinen jıirkenýshilik pen zulymdyq týyndap jatady. Internet jáne tipti buqaralyq aqparat quraldarynyń ózi qazir taza emes áreketterge tolyp ketti», - degen tujyrym jasady rejısser. Jazýshy bul tyǵyryqtan shyǵýdyń birden-bir joly mádenıeti tómen adamdardy eldiń elıtasy quramynan alastaý dep biledi. «Mysaly, Muqaǵalıdan jatqa bir jol aıtyp bere almaǵan, Shákárim týraly eshteńe bilmeıtin, Abaıdyń fılosofııasy men Qurmanǵazynyń kúılerinen maqurym adam birdi-bir mańyzdy mekemeniń tabaldyryǵynan attaı almaýy tıis. Bylaısha aıtqanda, mundaı adamdar saıası elıtada da, parlamentte de, memlekettik arnalarda da bolmaýy kerek. Bulaı bolmas úshin jáı ǵana mádenı feıs baqylaý ornatqan jón sekildi», - dep túıedi oıyn ol. Murat Aıtqoja.