Qazaqstan • 18 Qyrkúıek, 2020

Qandaı taýarlarǵa sıfrlyq tańbalaý qoıylady?

45 ret kórsetildi

Sıfrlyq tańbalaýdy engizýge daıyndyq sheńberinde "Tańbalaýǵa jatatyn taýarlardyń tizbesin aıqyndaý týraly" Qazaqstan Respýblıkasy Úkimetiniń qaýlysyna qol qoıyldy, onda sıfrlyq tańbalaý qoldanylatyn taýarlar toby aıqyndaldy, dep habarlaıdy Egemen.kz

Kórsetilgen qaýlyǵa sáıkes temeki buıymdaryn mindetti túrde tańbalaýǵa 2020 jylǵy 1 qazannan bastap quramynda temeki bar fıltrli ózge de sıgaretter jáne 2021 jylǵy 1 sáýirden bastap stıkter, sıgaralar, sıgarılder, qyzdyrylatyn temeki sııaqty temeki ónimderiniń ózge de túrleri jatady.

Sonymen birge, Qarjy mınıstrligi múddeli memlekettik organdarǵa «Taýarlardy tańbalaýda qoldanylatyn baqylaý (sáıkestendirý) belgisi, sáıkestendirý quraly qunynyń shekti mólsherin aıqyndaý týraly» Qazaqstan Respýblıkasy Úkimeti qaýlysynyń jáne «Temeki ónimderin tańbalaý qaǵıdalaryn bekitý týraly» Qarjy mınıstriniń buıryǵynyń jobalaryn kelisýge jiberdi, jaqyn arada olardy bekitý josparlanýda.

Bul rette temeki ónimderiniń qaldyqtaryn tańbalaý kózdelmegen.

«Temeki ónimderin tańbalaý qaǵıdalaryn bekitý týraly» Qarjy mınıstri buıryǵynyń jobasyna sáıkes temeki ónimderiniń qaldyqtaryn jyl boıy                  2021 jylǵy 1 qazanǵa deıin fıltrli sıgaretterdi jáne 2022 jyly 1 sáýirge deıin temeki ónimderiniń ózge de túrlerin ótkizýge bolady.

Salyq tóleýshilerdiń tańbalanǵan taýarlar aınalymyna qatysýshylardyń esepke alý júıelerin pysyqtaýǵa belgilengen ýaqytyn nazarǵa ala otyryp, temeki ónimderin tańbalaý jáne qadaǵalaý júıesin engizý mynadaı merzimderge sáıkes kezeń-kezeńimen kózdelgen:

kezeń. 01.10.2020 jyl. Temeki buıymdaryn mindetti tańbalaýdy iske qosý jáne olardy bólshek saýdada ótkizý kezinde aınalymnan shyǵarý.

Birinshi kezeńniń qatysýshylary ónimge emıssııany jáne tańbalaý kodtaryn engizýdi júzege asyratyn temeki ónimderin óndirýshiler/ımporttaýshylar, sondaı-aq baqylaý-kassa mashınasynyń kómegimen temeki ónimderin satýdy júrgizetin bólshek saýda býyny bolady. Bul rette qujattarmen jumys isteý fýnksıonaly (qabyldaý /berý aktisi, habarlama) taýarlardy tańbalaý men olardyń qadaǵalanýy aqparattyq júıesiniń Web-qosymshasynda qoljetimdi bolady jáne aınalymnyń barlyq qatysýshylary erikti negizde paıdalana alady.

Sondaı-aq, tańbalanǵan ónimdi tegin mobıldi qosymshanyń kómegimen shyǵarýǵa bolady.

Tańbalanǵan temeki ónimderin ótkizý jáne esepten shyǵarý úshin Data Matrix kodyn oqıtyn 2D skanerdi ornatý qajet, bul rette 2D skaneriniń quny 25 myń teńge jáne odan joǵary.

Sonymen birge, sıfrlyq tańbalaýdy engizýdiń birinshi kezeńinde «Salyq jáne bıýdjetke tólenetin basqa da mindetti tólemder týraly» Qazaqstan Respýblıkasy Kodeksiniń 172-babyna sáıkes aksızdik markalar boıynsha baqylaý júzege asyrylatynyn atap ótemiz.

Bul rette, aksızdik markalar bolmaǵan jaǵdaıda, «Ákimshilik quqyq buzýshylyq týraly» Qazaqstan Respýblıkasy Kodeksiniń 283-babyna sáıkes ákimshilik jaýaptylyq qoldanylatyn bolady.

II kezeń. 01.01.2021 jyl. Taýarlar aınalymyna barlyq qatysýshylardyń mindetti negizde qadaǵalanýy sheńberinde qujattardy jazyp berýi.

Kezeńdilik «Tańbalaýǵa jatatyn taýarlardyń tizbesin aıqyndaý týraly» Qazaqstan Respýblıkasy Úkimetiniń 2020 jylǵy 10 qyrkúıektegi № 568 qaýlysymen de kózdelgen.

Sonymen qatar, birinshi kezeńde qadaǵalaý sheńberinde qujattardy jazyp berý kezinde ákimshilik yqpal etý sharalary qoldanylmaıtynyn atap ótemiz.

Taýarlardy tańbalaý jáne qadaǵalaý aqparattyq júıesinde (TTQ AJ) jumys isteý úshin https://elk.prod.markirovka.ismet.kz/login-kep siltemesi boıynsha ótý jáne temeki ónimderiniń aınalymyna qatysýshy retinde tirkelý qajet.

Temeki ónimderin tańbalaý máseleleri boıynsha tolyq aqparat alý úshin 8 (800) 080-65-65 (qońyraý shalý tegin) telefonyna nemese:

https://www.ismet.kz/ru/main/about-marking

https://www.facebook.com/markirovka.kz

https://t.me/markirovkatovarov saıtyna habarlasýǵa bolady.

Sońǵy jańalyqtar

Namysyn tý etken

Rýhanııat • Búgin, 20:00

"Qazfosfat" ónim eksportyn ulǵaıtýda

Ekonomıka • Búgin, 18:37

29 qazanda Senat otyrysy ótedi

Parlament • Búgin, 17:57

Qyzylordada sala úzdikteri marapattaldy

Aımaqtar • Búgin, 17:41

Qyzylordada ınternet alaıaq ustaldy

Qoǵam • Búgin, 17:15

Hosep Bartomeý otstavkaǵa ketti

Sport • Búgin, 17:07

Elordaǵa qarjy quıýǵa nıetti

Elorda • Búgin, 16:50

Shymbulaqqa aparar jol ońtaılandyryldy

Ekologııa • Búgin, 15:55

Qostanaıda elik atqan brakonerler ustaldy

Aımaqtar • Búgin, 15:05

29-31 qazan kúnderi kún jylynady

Aýa raıy • Búgin, 12:40

Shymkentte "Qazyǵurt" mádenıet úıi qaıta jandanady

Ońtústik Qazaqstan • Búgin, 12:30

Prezıdent Ahmetjan Esimovti qabyldady

Prezıdent • Búgin, 12:01

Jańa Almaty qalaı abattandyrylýda?

Aımaqtar • Búgin, 11:35

Ulytaýda uıadaı qonaq úı ashyldy

Aımaqtar • Búgin, 11:15

Atyraýda stýdentter jataqhanasy órtendi

Aımaqtar • Búgin, 11:05

Uqsas jańalyqtar