Búgin Kaırde Mysyrdyń burynǵy prezıdenti Mýhammed Mýrsı men «Musylman baýyrlar» qozǵalysynyń 14 jetekshisine qatysty sot isi bastaldy. Bul týraly ITAR-TASS habarlady.
Mýhammed Mýrsı men «Musylman baýyrlar» ókilderi adamdardy qantógis pen zorlyq-zombylyqqa ıtermelegenderi úshin aıyptalýda. О́tken jyldyń 5 jeltoqsanynda Kaırdegi «Al-Ittıhadııa» prezıdent saraıynyń aldynda kisi ólimine soqtyrǵan qaqtyǵys atalmysh aıyptyń basty kórinisi retinde qarastyrylyp otyr.
Sot otyrysy ótip jatqan polısııa akademııasy aınalasynda qatań qaýipsizdik sharalary qabyldandy. Onda Mýhammed Mýrsıdiń júzdegen jaqtaýshylary jınalǵan. Qarýly kúshter qaladaǵy negizgi joldar men aýdandardy, sondaı-aq Tahrır alańyn bógep tastady.
Sotqa qatysatyn jýrnalısterge mekeme ishine aýdıo nemese beınejazba quraldaryn, sondaı-aq uıaly telefon alyp kirýge ruqsat berilmegen.
Aıdar О́risbaev.
