Qazaqstan • 18 Qyrkúıek, 2020

Qazaqstandaǵy qala ákimderi qandaı kólik minip júr?

1027 ret kórsetildi

Elimizdegi qala ákimderiniń qandaı qyzmettik kólikpen júretini belgili boldy, dep habarlaıdy Egemen.kz Tengrinews.kz saıtyna silteme jasap. 

Túrkistan qalasynyń ákimi Rashıd Aıýpov 2008 jyly shyqqan Toyota Land Cruiser qyzmettik kóligimen júredi. Ákimdiktiń málimetinshe, qazir bul avtokólik koronavırýstyq pandemııaǵa baılanysty qalalyq aýrýhanaǵa ýaqytsha paıdalanýǵa berilgen. Sondyqtan qala ákimi 2015 jyly shyqqan jeke avtokóligimen qyzmette júr. Mashınanyń markasy -  Toyota Corolla. 

týrk

Nur-Sultan qalasynyń ákimi Altaı Kólginov 2018 jyly shyqqan qara tústi Skoda Octavia markaly kólikpen júr. Ákimdiktiń málimetinshe, 2018 jyldyń qyrkúıeginen bastap elorda ákimshiliginiń qyzmetkerlerin taksı qyzmeti tasymaldaıdy, joba MJÁ aıasynda júzege asyryldy. Ákim minip júrgen kólikti de taksı qyzmeti usynǵan.

ass

Kókshetaý qalasynyń ákimi Amangeldi Smaıylov Kia Mohave markaly avtokóligimen júredi, túsi - qara metall, 2013 jyly shyqqan. 

44444444444

Semeı qalasynyń ákimi Ermak Sálimovtiń 2016 jyly shyqqan qara tústi Toyota Camry qyzmettik avtokóligi bar. 

seme

Petropavl qalasynyń ákimi Bolat Jumabekovty 2015 jyly shyqqan qara metall tústes Kia Quoris avtokóligi tasyp júr. 

petro

Aqtaý qalasynyń ákimi Nurdáýlet Qılybaıdyń qyzmettik avtokóligi Toyota Land Cruiser Prado. Qala basshysy 2010 jyly shyǵarylǵan qara tústi kólikti qup kóripti. 

akt

Atyraý qalasynyń ákimi Qaırat Orazbaev 2017 jyly shyqqan qara tústi Toyota Camry qyzmettik avtokóligimen júredi.

atr

Qaraǵandy ákimi Nurlan Áýbákirov óziniń qara Toyota Land Cruiser 200 kóligimen júretinin aıtqan. Avtokólik 2011 jylǵy eken. 

kar

О́skemen qalalyq ákimdiginiń málimetinshe qala basshysy Jaqsylyq Omar 2017 jyly shyqqan aq Toyota Camrý qyzmettik kóligin qanaǵat etip júr. 

oska

Úshinshi megapolıstiń meri Murat Áıtenovtiń baspasóz qyzmeti bergen málimetke saı, ol qara tústi Lexus LX 570 qyzmettik avtokóligimen júredi.  Shymkent ákiminiń qyzmettik kóligi 2011 jyly shyqqan. 

shym

Qyzylorda qalasynyń ákimi Nurlybek Nálibaev Kia Sorento krossoverin minip júr. Túsi - qara, Shyǵarylǵan jyly-2019. Ákimdiktiń málimetinshe, kólik oblystyq memlekettik múlikten berilgen.

qyzd

Qostanaı ákimi Qaırat Ahmetov 2010 jyly shyqqan Lexus LX 570 qyzmettik kóligimen júredi. Onyń da túsi qara. Bul avtokólik ákimdikke óteýsiz negizde "sharýashylyq 2012" JShS-ne berildi, delingen ákimdik bergen aqparatta. 

kos

Almaty ákimi Baqytjan Saǵyntaev 2013 jyly shyqqan, qara tústi Mercedes Benz S-Class avtokóligimen júredi. 

alma

Pavlodar qalasynyń ákimi Erjan Imanslıam jumys ýaqytynda KIA Quoris Premium+ markaly avtokólikpen júredi, túsi-qara metallık, 2017 jyly shyǵarylǵan.

pavlo

Al Taldyqorǵan qalasynyń ákimi Ǵalymjan Ábdiraıymovqa 2018 jyly shyqqan sur tústi KIA Quoris avtokóligi bekitilgen. 

Ákimdikterdiń resmı jaýabyna qaraǵanda, qala ákimderi qara qyzmettik kólikke qumar sııaqty.

Esterińizge sala keteıik, Prezıdent Qasym-Jomart Toqaev 2020 jyldyń qańtarynda qymbat kólik satyp alýǵa jáne túrli forýmdar ótkizýge moratorıı jarııalaýdy usynǵan edi. "Qymbat kólik pen jıhaz satyp alýǵa, túrli forýmdar, semınarlar, konferensııalar ótkizýge jumsalatyn shyǵystarǵa uzaq merzimdi moratorıı jarııalaýdy usynamyn. Is-sharalar aıqyn praktıkalyq jáne ıdeologııalyq paıda ákelýi kerek", dedi Memleket basshysy.

Sońǵy jańalyqtar

Vırýs mýtasııaǵa ushyrady

Koronavırýs • Búgin, 17:27

Málik Ǵabdýllın: Zaman, tulǵa, jad

Rýhanııat • Búgin, 12:00

Atyraýdan 100 jigit áskerge attandy

Aımaqtar • Búgin, 10:35

Elimizde koronavırýstan 123 adam aıyqty

Qazaqstan • Búgin, 09:51

Uqsas jańalyqtar