"14 qyrkúıekte Oral stansııasyndaǵy Jelilik polısııa bólimine tirkelmegen "Ata joly" qaýymdastyǵynda turatyn bir top adam Oral stansııasynan "Oral-Almaty" jolaýshylar poıyzymen jolǵa shyǵatyny týraly jasyryn habarlama kelip tústi» dep atap ótti kóliktegi polısııa departamentiniń bastyǵy Ońal Bekeev.
Onyń aıtýynsha, túsken aqparatty tekserý barysynda kólik polıseıleri Batys Qazaqstan oblysy polısııa departamentiniń qyzmetkerlerimen, sondaı-aq BQO boıynsha din isteri basqarmasynyń ókilderimen birlesip, Oral qalasynyń 4 turǵynyn ustaǵan.
Olar - 41, 45, 47 jáne 50 jasta. "Ustalǵandarǵa qatysty QR ÁQBtK 489-baby 9 jáne 10-tarmaqtary boıynsha, ıaǵnı, Qazaqstan Respýblıkasynyń qoǵamdyq birlestikter týraly zańnamasyn buzǵany, sondaı-aq Qazaqstan Respýblıkasynyń zańnamasynda belgilengen tártippen tirkelmegen qoǵamdyq, dinı birlestikterdiń qyzmetine basshylyq jasaǵany, qatysqany, olardyń qyzmetin qarjylandyrǵany úshin ákimshilik hattama toltyryldy jáne 50 jáne 100 AEK mólsherinde ákimshilik aıyppul salyndy", dep atap ótti O.Bekeev.
"Ata joly" uıymyna 2009 jyldan bastap Qazaqstan aýmaǵynda resmı tyıym salynǵan. Soǵan qaramastan bul uıym qyzmetin jasyryn jalǵastyrýda. Azamattardy saq bolyp, jalǵan dinı aǵymdardyń qýlyǵyna boı aldyrmaýdy suraımyz" dep túıindedi polısııa polkovnıgi.
