Birinshi tomda Abaı adam, azamat retinde qalyptasady. Ol árbir sátte ákesi Qunanbaıdyń, aǵaıyny men óz aýylynyń múddesinen ádilet pen adamgershilikti joǵary qoıady.
Alǵashqy tomnyń basynda Abaı qaladan dalaǵa kele jatady, asyǵyp, alyp-ushyp, aýylyna oralady. Al aıaǵynda ádiletsizdik pen qaıshylyqqa toly óz aýylynan ózi bezip, daladan qalaǵa túńilip qashyp bara jatqandaı bolady.
Eske salaıyq, joba Abaı Qunanbaıulynyń 175 jyldyǵyna oraı Aqparat jáne qoǵamdyq damý mınıstrliginiń qoldaýymen jaryqqa shyqty.
Epopeıanyń barlyq 28 taraýy jyl sońyna deıin Massaget TV YouTube-arnasynda jarııalanady.
Qazir arnada birinshi tomdaǵy "Qaıtqanda", "Qat-qabatta", "Jolda","Shytyrmanda", "Bel-beleste", "О́rde", "Abaı joly" taraýlary bar.
