Astanadaǵy Beıbitshilik jáne kelisim saraıynda shyǵarmashyl jastardyń Halyqaralyq XVI «Shabyt» festıvali saltanatty jaǵdaıda ashyldy.
Astanadaǵy Beıbitshilik jáne kelisim saraıynda shyǵarmashyl jastardyń Halyqaralyq XVI «Shabyt» festıvali saltanatty jaǵdaıda ashyldy.
Mine, bıyl ol on altynshy márte ónerli jastardyń shyǵarmashylyǵyn shyńdaıtyn jarys alańyna aınalyp otyr.
Aldyńǵy jyly 8 atalym boıynsha «Shabyttyń» shyńyna shyǵyp, gran-prı ıelengen Áıgerim Beketaeva, Tolqyn Turysbekov, Rahat Jaqsybaı, Oljas Qurmanbek jáne Prezıdenttik kýbok ıegeri Muhtar О́selbaev óz lebizderin bildirdi.
Atalmysh festıvaldiń ashylýyna oraı Astana qalasynyń ákimi I.Tasmaǵambetovtiń quttyqtaý sózin Astana qalasy Mádenıet basqarmasynyń basshysy Bolat Majaǵulov jetkizdi. «О́ner joly qashan da kúrdeli, tabıǵı talantty, tynbas eńbekti, týma daryndy talap etedi. Bul rette, bizdiń rýhanııatymyzdyń ólshemi men óresi, eń aldymen, ónegesi mol, talantty da talapty shyǵarmashyl jastarǵa baılanysty. Búgingi festıval Astananyń eń alǵash Arqa jerine qazyǵyn bekitip, elordalyq mártebesin alǵan 1997 jyldan bastap, jyl saıyn jas talanttardyń talabyn shyńdap, armanyna qanat baılap keledi. Búginde talaı jastardyń esimin elge tanytýda bul baıqaýdyń atqarar róli orasan zor dep aıtýǵa bolady», – delingen óner merekesine qatysýshylarǵa arnalǵan bul quttyqtaýda.
Saltanatty jıynda «Shabyt» festıvaliniń 2010 jylǵy gran-prı ıegeri Jámıla Jarqynbaeva, «Astana sıtı balet» modern-balet mektebiniń bıshileri jáne mýzykant Rýmı, «Astana-Opera» teatrynyń solısteri Áıgerim Beketaeva men Taıyr Ǵataýov jáne Qazaq ulttyq óner ýnıversıtetiniń stýdentteri óz ónerlerin ortaǵa saldy.
Bıylǵy baıqaýǵa elimizdiń túkpir-túkpirinen kelgen jastarmen qatar Máskeý, Ýfa, Qazan, Tashkent, Bishkek, Samara, Baký jáne Varna (Bolgarııa) qalalarynan da ónerli jastar qatysýda eken. Barlyǵy 200-den asa jas ónerpaz «Klassıkalyq mýzyka», «Beıneleý óneri», «Halyq mýzykasy», «Estradalyq vokal», «Úzdik ádebı shyǵarma», «Horeografııa» atalymdarynda baq synasady. Al, osy atalymdar boıynsha qatysýshylardyń ónerin baǵalaıtyn qazylar alqasynyń quramynda KSRO halyq ártisi, T.Júrgenov atyndaǵy óner akademııasynyń professory Ramazan Bapov, Qolónershiler odaǵynyń tóraıymy, Sýretshiler odaǵynyń jáne WCC – Europe múshesi Aıjan Bekqulova, jazýshy, Qazaqstannyń eńbek sińirgen qaıratkeri Ákim Tarazı, «Don Mılanı» ınstıtýtynyń professory, dırıjer Paýlo Bıonkalano (Italııa), Reseı Federasııasynyń eńbek sińirgen ártisi, P.Chaıkovskıı atyndaǵy Máskeý konservatorııasynyń professory Vladımır Shısh (Reseı), Ýkraınanyń eńbek sińirgen óner qaıratkeri, Ýkraına mýzyka akademııasynyń professory Anatolıı Semeshko (Ýkraına) jáne Saryarqa ulttyq aspaptar ansambliniń kórkemdik jetekshisi Nurlan Hamzın bar.
Qarashanyń 3-i kúni ashylǵan shara 8-inde óz máresine jetedi. Baıqaýǵa qatysýshylarǵa dıplomant ataǵy jáne árbir atalym boıynsha ataýly dıplomdar tapsyrylady. Al, jabylý saltanatynda bolatyn gala-konsertte gran-prı ıeleri anyqtalyp, Bas júlde – Qazaqstan Respýblıkasy Prezıdentiniń kýbogy tabystalady.
Nurzada KÚMISBEK,
Eýrazııa ulttyq ýnıversıtetiniń stýdenti.
