Elimizde tuńǵysh ret tiri donordan baýyr aýystyrý otasy jasalyp, ol sátti aıaqtaldy. Bul týraly «Jetinshi» telearna habarlady.
Baýyr sırrozyna shaldyqqan 6 jasar Ilıa Panıhınge otany respýblıkalyq jedel járdem ortalyǵy men shetel mamandary jasady. Statıstıkalyq derekke júginsek, respýblıka boıynsha 7 myńǵa jýyq adam, onyń ishinde 100 bala donorlyq aǵzaǵa muqtaj.
Jalpy, qaısybir el bolmasyn transplantologııa máselesi tóńireginde tarqatylmaǵan túıin bar. Sondyqtan kóptegen adamdar aǵza aýystyrýda qıyndyqtarǵa tap bolyp jatady. Al 2 aılyǵynan bastap baýyrdyń qaterli dertine shaldyqqan Ilıaǵa anasynyń ápkesi kómekke keldi. Ol baýyrynyń úshten bir bóligin bergen eken.
«Jıenime tek meniń baýyrym sáıkes kelgendikten, oılanbastan otaǵa kelistim. Qoryqqanymmen dárigerlerge senimdi boldym. Endi olarǵa alǵysym sheksiz.Al ózim qazir tolyq qalpyma keldim. Biraq baýyrymnyń bir bóligin alǵannan keıin, ishimde birdeńe joq sııaqty seziledi»,-deıdi Evgenııa Isko.
Tiri adamnyń aǵza múshesin tiri adamǵa salýdyń qaýpi men qaterin dárigerler jaqsy biledi. Mamandar osy isti odan ári jetildirý maqsatyn kózdep otyr. О́kinishtisi, donorǵa muqtaj naýqastardyń jylyna 70 paıyzǵa jýyǵy kezegin kútip júrgende kóz jumady eken.
Baqytbek Keneshuly.
