Ýchaskelik ınspektorlar ınstıtýty nyǵaıady

Otyrysta Memleket basshysynyń aǵymdaǵy jylǵy 1 qyrkúıektegi «Jańa jaǵdaıdaǵy Qazaqstan: naqty is-qımyl kezeńi» atty Qazaqstan halqyna Jol­da­ýynda aıtylǵan tapsyrmalaryn iske asyrý barysy qaraldy.

Ishki ister mınıstri Erlan Turǵymbaev Keńes múshelerine Tótenshe jaǵdaılar mınıstrligin qaıta qurý, «jurtqa ja­qyn polısııa» qaǵıdaty boıynsha jer­gi­likti polısııa qyzmetin reformalaý, aza­mattardyń quqyqtaryn qamtamasyz etý, IIM-de ózine tán emes fýnksııalardan bosatý, sondaı-aq Prezıdenttiń basqa da tapsyrmalaryn iske asyrý týraly baıan­da­dy.

«Jergilikti polısııa qyzmetin reformalaýda quqyq buzýshylyqtyń aldyn alý salasyndaǵy negizgi býyn bolyp tabylatyn ýchaskelik polısııa ınspektorlaryna basty ról beriledi. Olardyń mártebesin arttyrý boıynsha sharalar ázirlenýde. Ýchaskelik ınstıtýtty nyǵaıtý, laýazymdyq aılyqaqyny jáne laýazymy boıynsha shekti ataqtardy arttyrý kózdelýde» – dep atap ótti mınıstr.

Quqyq buzýshylyqtar men turmystyq zorlyq-zombylyqtyń aldyn alý sala­syn­daǵy ýchaskelik ınspektorlardyń óki­let­tikterin keńeıtý máselelerine erekshe nazar aýdarý, sondaı-aq ýchaskelik pýnkt­ter janyndaǵy jurtshylyq keńesterin qaıta jandandyrý josparlanýda.

Vedomstvo basshysy Qaraǵandy oblysynda jergilikti qaýymdastyqpen seriktestik qarym-qatynas ornatý úshin qoǵamdyq qaýipsizdikti qamtamasyz etý­diń «servıstik» formatyna kóshýdiń qanatqaqty jobasy júrgizilip jatqanyn habarlady. Jaqyn arada dál osyndaı joba elordada jumys isteı bas­taı­dy. Sonymen qatar ýchaskelik ıns­pek­torlardyń qadamdyq algorıtmderi tájirıbege engiziledi.

Otyrysta mınıstr ishki ister organdarynda sıfrlandyrý salasynyń damýy týraly da habardar etti: «qylmystyq isterdi tergeý kezeń-kezeńimen elektrondy formatqa kóshirilýde. Memlekettik qyzmetterdi «sıfrǵa» aýystyrý boıynsha jumystar júrgizilýde, jyl sońyna deıin bul kórsetkishti 91% - ǵa jetkizýdi josparlap otyrmyz. Beınebaqylaý júıeleri, sonyń ishinde jol qozǵalysy damýda. Patrýldik polısııa planshettermen, beınetirkegishtermen, termınaldarmen jabdyqtalǵan».

Mınıstr sybaılas jemqorlyqqa qarsy is-qımyl jónindegi jumysty jeke atap ótti. Sybaılas jemqorlyqqa qarsy qyzmet jáne azamattyq qoǵam ınstıtýttarymen birlesip úshjaqty jospar iske asyrylýda. Bólimshelerde sybaılas jemqorlyq táýekelderin tómendetý bo­ıynsha sharalar qabyldanýda.

«Memleket basshysy elimizdiń quqyq qor­ǵaý júıesindegi mańyzdy ınstı­tý­sıonaldyq ózgeristerdi anyqtady. Mınıstrlik barlyq qajetti sharalardy qabyldaıdy», dep atap ótti Erlan Turǵymbaev.

О́z kezeginde, Qoǵamdyq keńes tó­ra­ǵa­sy Marat Qoǵamov IIM-niń polısııa qyzmetin halyqpen ózara is-qımyldyń jańa formatyna kóshirý jónindegi belsendi jumysyn atap ótip, keńesti ishki ister organdarynyń qyzmetin jetildirý máse­lelerinde mınıstrlikke jan-jaqty kómek kórsetýge baǵyttady.

Sondaı-aq otyrys barysynda qu­qyq­tyq tártipti qamtamasyz etý sala­syn­daǵy keń aýqymdy máseleler talqy­lan­dy, pikir almasyldy, IIM tıisti qyz­met­te­riniń basshylaryna usynymdar berildi.