Atalǵan joba aıasynda Shymkent qalasynyń «Jol - kólik kolledji» MKQK-nyń materıaldyq-tehnıkalyq bazasyn halyqaralyq standarttar talaptaryna saı zamanaýı úlgidegi qural-jabdyqtarmen qamtamasyz etý úshin qarjy bólingen bolatyn. Negizgi maqsat – eńbek naryǵynda suranysqa ıe bilikti mamandar daıarlaý, orta bilim alǵan mamandardyń kásibı biliktiligin artyrý.
Taıaýda oqý ornynyń 1201000 – "Avtomobıl kóligine tehnıkalyq qyzmet kórsetý, jóndeý jáne paıdalaný" jáne 1303000 – "Temir jol kóligindegi avtomatıka, telemehanıka jáne qozǵalysty basqarý" mamandyqtary boıynsha qajetti qural-jabdyqtar satyp alyndy.
Qazirgi tańda 40-qa jýyq qural-jabdyq kolledj bazasyna tolyq ornatyldy. Atap aıtqanda, "Bosch FSA 740 Avtokólik júıeleriniń dıagnostıkalyq kesheni", "LAUNCH X431 Pro 3 dıagnostıkalyq mýltımarkaly skaneri", "Slesarlyq verstak GEFEST-VS", "Avtomobıl dıagnostıkalyq skaneri launch HD box III", "Gıdravlıkalyq shtabeler SFH 1516" jáne taǵy basqa qural-jabdyqtar zamanaýı sońǵy úlgide.
