Ekologııa • 23 Qyrkúıek, 2020

2 mlrd túp aǵash qalaı otyrǵyzylady

27 ret kórsetildi

Bıylǵy Joldaý barysynda Memleket basshysy elimizdegi ekologııalyq jaǵdaıǵa basa nazar aýdaryp, elimiz boıynsha 2 mlrd aǵash otyrǵyzylatyny týraly baıandaǵan. Osyǵan oraı Qazaqstan Respýblıkasy Ekologııa, geologııa jáne tabıǵı resýrstar mınıstrligi mııstriniń orynbasary Erlan Nysanbaev 2 mlrd túp aǵashty qalaı otyrǵyzatyny týraly jýrnalısterge aıtyp berdi, dep habarlaıdy Egemen.kz

"Joldaýǵa sáıkes 2025 jylǵa deıin 2 mlrd túp aǵash otyrǵyzý mindeti tur. Bul degenimiz 85 myń ga qashyqtyqty quraıdy. Jalpy el kólemindegi orman alqaby 6 mln ga-ǵa jetip otyr. Qazaqstanda dalalyq alqaptar óte kóp. Endigi maqsat osy jerlerdi ormanǵa aınaldyrý", dedi Erlan Nysanbaev.

Ekologııa mınıstriniń orynbasary sóz barysynda aǵash otyrǵyzý prosesi ár óńirde klımattyq jaǵdaıǵa baılanysty ár túrli júrip otyratynyna da erekshe nazar aýdardy.

"Biz klımat faktoryn da eskerýimiz kerek. Mysal retinde alatyn bolsaq: ońtústik aımaqqa terek pen qara aǵash, ońtústik jáne batys aımaqtaryna sekseýil aǵashtaryn, soltústikte qaıyń, shyrsha jáne qaraǵaı aǵashtaryn otyrǵyzý josparlanǵan", dedi vıse-mınıstr.

Erlan Nysanbaev kezdesý barysynda 2025 jylǵa deıin ár jyl saıyn 85 myń ga aýmaq qamtylyp, onyń ár 1 ga ishine 4300 túp aǵash otyrǵyzý josparlanǵanyn atap ótti. Osy 4300 túp aǵashty 85 myń ga jer kólemine kóbeıtsek jylyna 365,5 mln túp aǵash otyrǵyzylady degen sóz. Sonda 5 jyl ishinde el boıynsha 1 mlrd 860 mln túp aǵash egiledi. Qalǵan túp aǵashtar, buryn shyqpaı qalǵan kóshetterdiń ornyna qaıta aǵash otyrǵyzýdy qamtıtynyn atap ótti vıse-mınıstr.

"Osynyń bárin eseptegende 5 jyl kóleminde Prezıdenttiń tapsyrmasyna saı 2 mlrd túp aǵash otyrǵyzý normasyn oryndaımyz dep oılaımyn", deıdi Nysanbaev.

Sońǵy jańalyqtar

Elordada 1700-den astam jumys orny quryldy

Aımaqtar • Búgin, 17:30

Aralda adasqan ańshy tabyldy

Aımaqtar • Búgin, 14:10

Nur-Sultanda kottedj órtenip jatyr

Oqıǵa • Búgin, 12:27

Uqsas jańalyqtar