Parlament Senaty Tóraǵasynyń orynbasary Qaırat Ishanov Tájikstan Respýblıkasynyń Prezıdentin saılaýyn baıqaýǵa qatysady, dep habarlady osy palatanyń baspasóz qyzmeti.
Parlament Senaty Tóraǵasynyń orynbasary Qaırat Ishanov Tájikstan Respýblıkasynyń Prezıdentin saılaýyn baıqaýǵa qatysady, dep habarlady osy palatanyń baspasóz qyzmeti.
TMD-ǵa qatysýshy memleketter Parlamentaralyq Assambleıasynyń halyqaralyq baıqaýshylary Dýshanbede bolǵan úılestirý keńesinde 6 qarashada bolatyn Tájikstan Respýblıkasy prezıdentin saılaý kúngi jumys josparyn belgiledi.
Keńesti baıqaýshylar tobynyń úılestirýshisi – Qazaqstan Parlamenti Senaty Tóraǵasynyń orynbasary Qaırat Ishanov ashty. TMD PAA-nyń halyqaralyq baıqaýshylar toby prezıdenttik saılaýdy uzaq jáne qysqa merzimdi monıtorıng júrgizý úshin Tájikstan Respýblıkasy Syrtqy ister mınıstrliginiń shaqyrýyna sáıkes qurylǵan bolatyn. Halyqaralyq toptyń quramyna 35 adam: Parlamentaralyq Assambleıaǵa qatysýshy segiz memlekettiń (Ázerbaıjan, Armenııa, Belarýs, Qazaqstan, Qyrǵyzstan, Moldova, Reseı jáne Ýkraına) depýtattary men zań shyǵarý organdarynyń ókilderi, sondaı-aq TMD PAA Keńesi hatshylyǵynyń qyzmetkerleri men Demokratııa, parlamentarızmdi damytýǵa monıtorıng júrgizý jáne TMD PAA-ǵa qatysýshy memleketter azamattarynyń saılaý quqyqtaryn saqtaý halyqaralyq ınstıtýtynyń sarapshylary kirgen bolatyn.
TMD PAA Keńesiniń Bas hatshysy Alekseı Sergeev áriptesterine TMD Parlamentaralyq Assambleıasynyń halyqaralyq baıqaýshylary daýys beretin kúni jeke marshrýttar boıynsha iske kirisetinin eske saldy. Dýshanbe, Núrek jáne Hatlon oblysyndaǵy Iаva aýdanyndaǵy, Varzob, Vahdat, Gıssar, Tursynzada jáne respýblıkalyq baǵynystaǵy Faızabad aýdanyndaǵy, sondaı-aq Hodjend qalasynyń aýdandaryndaǵy saılaý ýchaskelerinde monıtorıng júrgiziletin bolady. Odan basqa, Baký, Bishkek, Kıev, Máskeý jáne Sankt-Peterbýrgte ornalasqan shetelderdegi saılaý ýchaskelerinde de daýys berý barysyna baıqaý jasalady.
Ortalyq saılaý komıssııasynyń derekteri boıynsha, Tájikstan Respýblıkasy prezıdentin saılaýǵa ázirlikti jáne ony ótkizý barysyn 6 myńnyń ústinde jergilikti jáne 500-den astam halyqaralyq baıqaýshy baqylaıtyn bolady.
