Kásipkerlikke – keń qoldaý

О́skemende QR Ulttyq kásip­kerler palatasy prezıdıýmynyń tóraǵasy Tımýr Qulybaevtyń, Shyǵys Qazaqstan oblysynyń ákimi Berdibek Saparbaevtyń jáne Kásipkerlerdiń óńirlik palatasynyń dırektory Igor Shaskııdiń qatysýymen Kendi Altaı kásipkerleri palatasy óńirlik keńesiniń alǵashqy otyrysy ótti. Oǵan basqarma, departament basshylary, óńirdegi iri kásiporyndar men bıznes qurylymdarynyń basshylary qatysyp, óńirde kásipkerlerge qoldaý kórsetý, onyń kókjıe­gin keńeıtý máselelerin tal­qy­lady. Tımýr Qulybaev óz sózinde Shyǵys Qazaqstanda qurylǵan kásipkerler palatasy kásipkerlerdiń múddesin qorǵaýǵa jáne jan-jaqty usynys etýge, bıznesti damytýǵa qolaıly jaǵdaı jasaıtyndaryn atap ótti. Budan keıin oblystaǵy kásipkerler palatasy óńirlik keńesiniń tóraǵasy qyzmetine Ásemhan Dosqojanovty usyndy. Kásipkerler kásipkerliktiń qyr-syryn jetik biletin mamannyń kandıdatýrasyn biraýyzdan qoldady.

О́skemende QR Ulttyq kásip­kerler palatasy prezıdıýmynyń tóraǵasy Tımýr Qulybaevtyń, Shyǵys Qazaqstan oblysynyń ákimi Berdibek Saparbaevtyń jáne Kásipkerlerdiń óńirlik palatasynyń dırektory Igor Shaskııdiń qatysýymen Kendi Altaı kásipkerleri palatasy óńirlik keńesiniń alǵashqy otyrysy ótti. Oǵan basqarma, departament basshylary, óńirdegi iri kásiporyndar men bıznes qurylymdarynyń basshylary qatysyp, óńirde kásipkerlerge qoldaý kórsetý, onyń kókjıe­gin keńeıtý máselelerin tal­qy­lady. Tımýr Qulybaev óz sózinde Shyǵys Qazaqstanda qurylǵan kásipkerler palatasy kásipkerlerdiń múddesin qorǵaýǵa jáne jan-jaqty usynys etýge, bıznesti damytýǵa qolaıly jaǵdaı jasaıtyndaryn atap ótti. Budan keıin oblystaǵy kásipkerler palatasy óńirlik keńesiniń tóraǵasy qyzmetine Ásemhan Dosqojanovty usyndy. Kásipkerler kásipkerliktiń qyr-syryn jetik biletin mamannyń kandıdatýrasyn biraýyzdan qoldady.

Otyrysta sóz alǵan oblys ákimi B.Saparbaev ındýstrııalandyrý kartasyna engen serpindi jobalar jaıly aıta kelip, kásip­kerler palatasynyń óńirlik keńesin qurýǵa atsalysqany úshin Tımýr Asqarulyna alǵy­syn aıtyp, Kendi Altaıda kásip­ker­lik­tiń jyl saıyn damyp kele jatqanyn, jyl basynan beri sha­ǵyn jáne orta kásipkerlik bo­ıynsha óńirde 270 mıllıard teń­geniń ónimderi shyǵarylǵanyn tilge tıek etti. Tek qana shaǵyn jáne orta kásipkerlikten oblys bo­ıynsha bıýdjetke jyl saıyn 40 mıllıard teńge túsip turady eken.

Shyǵys Qazaqstandaǵy kásipkerler palatasynyń óńirlik keńesine oblystyń 7 aýdany men 3 qalasynan ýákildik etetin 26 kásipker, 4 kásipkerler qaýymdastyǵynyń ókilderi endi. Budan keıin sport salasy boıynsha birqatar nysandardy salý jónindegi kelisimge qol qoıyldy.

Ońdasyn ELÝBAI,

«Egemen Qazaqstan».

О́SKEMEN.