О́tken jyldyń sáıkes merzimi ishinde kórsetkish túbegeıli basqa bolǵan. HQO arqyly 2,1 mln-nan astam qyzmet alynsa, 726 myń tirkeý elektrondyq úkimet portalynda júzege asqan.
«Azamattarǵa arnalǵan úkimet» memlekettik korporasııasynyń basqarma tóraǵasy Ásemgúl Baltashevanyń aıtýynsha, elektrondy qyzmetterge degen suranystyń kúrt ósýi COVID-19 pandemııasy men tótenshe jaǵdaı kezinde halyqqa qyzmet kórsetý ortalyqtarynyń jabylýyna baılanysty.
«Pandemııa elektrondy qyzmetterdiń damýyna úlken serpin berdi. Eger buryn úlkeni de, kishisi de qarapaıym anyqtamalar úshin halyqqa qyzmet kórsetý ortalyǵyna barýdy jón kóretin bolsa, karantın jaǵdaıynda densaýlyqtaryna alańdaǵan azamattar memlekettik qyzmetterdi óz betinshe onlaın túrde ala bastady. Kún saıyn myńdaǵan adam qyzmet alýǵa keletin memlekettik qyzmetterdiń biryńǵaı provaıderi retinde bizdi qýantyp otyr. Azamattarǵa budan da kúrdeli qyzmetterdi usyný múmkindigi jasalýda», dedi Á.Baltasheva.
Egov.kz elektrondy úkimet portalynda turǵylyqty jeri boıynsha tirkelý úshin ótinish berýshiniń jáne jyljymaıtyn múlik ıesiniń elektrondyq sıfrlyq qoltańbasy bolýy kerek. Tirkelýshi azamat ótinish jasap, múlik ıesi ony rastaýy qajet. Turǵyndardy tirkeý qyzmetin «Azamattyq, mıgrasııa jáne ımmıgrasııa» – «Halyqty tirkeý jáne tirkeý esebinen shyǵarý» bóliminen tabýǵa bolady.
Eske salaıyq, 2019 jyldyń maýsym aıynan bastap azamattardy turǵylyqty jeri boıynsha tirkeý qyzmetin «Azamattarǵa arnalǵan úkimet» memlekettik korporasııasynyń qyzmetkerleri júzege asyrady. Bul halyqqa qyzmet kórsetý ortalyqtarynyń jumys kestesine sáıkes tirkeý qyzmetterin usynýǵa múmkindik berdi, ıaǵnı tańǵy saǵat 9.00-den keshki 20.00-ge deıin túski úzilissiz, sondaı-aq kóshi-qon polısııasynyń derekter bazasyna tirkeý múmkindigi bar qyzmetkerlerdiń sanyn kóbeıtip, osy qyzmet túrine kezekti azaıtty.
