Qazaqstannyń Iordanııadaǵy elshiligi jaqynda jaryqqa shyǵyp, tusaýkeseri ótkizilgen «Qazaqstan-Iordanııa qarym-qatynasy: dostyq pen jasampazdyqtyń 20 jyly» atty kitapqa oraı qabyldaý ótkizdi, dep habarlady QR SIM-iniń baspasóz qyzmeti.
Qazaqstannyń Iordanııadaǵy elshiligi jaqynda jaryqqa shyǵyp, tusaýkeseri ótkizilgen «Qazaqstan-Iordanııa qarym-qatynasy: dostyq pen jasampazdyqtyń 20 jyly» atty kitapqa oraı qabyldaý ótkizdi, dep habarlady QR SIM-iniń baspasóz qyzmeti.
Tusaýkeserge Korol otbasynyń músheleri, úkimettiń, parlamenttiń ókilderi, kórnekti saıası jáne qoǵam qaıratkerleri, dıplomatııalyq korpýstyń ókilderi, bıznes toptar men Koroldiktiń jetekshi BAQ-tarynyń jýrnalısteri, sondaı-aq, Qazaqstan-Iordanııa dostyq qoǵamynyń músheleri kelip qatysty.
Hashımıttik Koroldik tarapynan tusaýkeserdiń negizgi qonaqtary Korol Abdalla II-niń Bas kamergeri hanzada Raad ben Zeıd, Iordanııa Josparlaý mınıstri Ibrahım Saıf jáne Iordanııa Syrtqy ister mınıstrliginiń bas hatshysy Mohammed Alı Daher boldy.
О́ziniń quttyqtaý sózinde Qazaqstan Respýblıkasynyń Iordan Hashımıttik Koroldigindegi elshisi Bolat Sársenbaev Iordanııanyń saıası qaıratkerlerin tusaýkeseri ótkizilip otyrǵan kitapqa oń baǵa bergenderi úshin rızashylyǵyn bildire kelip, eki eldiń kóptegen máselelerde ózara túsinistigi men kelisim deńgeıi joǵary ekenin atap ótti jáne Qazaqstan men Iordanııa yntymaqtastyǵy túrli salalarda tabysty damyp kele jatqanyna nazar aýdardy.
О́z kezeginde hanzada Raad ben Zeıd baýyrlas eki el arasyndaǵy yntymaqtastyqtyń joǵary deńgeıin atap ótip, mundaı yntymaqtastyqqa qysqa merzim ishinde qol jetkizilgenin kóldeneń tartty. Ári qaraı da dostyq jáne ózara tıimdi qarym-qatynasty jandandyrý nıetinde ekenin málimdedi.
