Nıderlandy Koroldigindegi Gaaga qalasynda Qazaqstan Respýblıkasynyń osy eldegi elshisi M.Myrzamedıeva EQYU-nyń Ulttyq azshylyqtar isteri jónindegi jańa Joǵarǵy komıssary A.Tors bastaǵan keńse ókilderimen kezdesti, dep habarlady QR SIM-iniń baspasóz qyzmeti.
Nıderlandy Koroldigindegi Gaaga qalasynda Qazaqstan Respýblıkasynyń osy eldegi elshisi M.Myrzamedıeva EQYU-nyń Ulttyq azshylyqtar isteri jónindegi jańa Joǵarǵy komıssary A.Tors bastaǵan keńse ókilderimen kezdesti, dep habarlady QR SIM-iniń baspasóz qyzmeti.
Kezdesý barysynda qazaqstandyq dıplomat suhbattastaryn Qazaqstan qoǵamynyń qazirgi damý kezeńi, el basshylyǵynyń ishki saıası turaqtylyqty qamtamasyz etý, Qazaqstannyń kópultty jáne kópkonfessııaly halqyn toptastyrý boıynsha belgilegen uzaq merzimdi basymdyqtary týraly egjeı-tegjeıli áńgimelep berdi. 2011-2014 jyldarǵa arnalǵan Ulttyq birlik doktrınasynyń basty qaǵıdattary da jan-jaqty túsindirildi.
Kezdesý kezinde taraptar Qazaqstandaǵy konfessııaaralyq jáne etnosaralyq kelisim salasyndaǵy sońǵy jetistikter týraly aqparattarmen almasty. Keńse ókilderin Qazaqstanda ótken Álemdik jáne dástúrli dinder kóshbasshylarynyń kezekti sezi, Qazaqstan halqy Assambleıasynyń 20 sessııasy sııaqty sharalar qyzyqtyrdy. Kezdesý aıasynda A.Torstyń Astanaǵa yqtımal sapary talqylandy.
EQYU keńsesiniń ókilderi etnosaralyq jáne konfessııaaralyq kelisimniń qazaqstandyq úlgisin joǵary baǵalap, Qazaqstan halqy Assambleıasy ınstıtýtynyń el halqyn toptastyrýdaǵy tamasha rólin atap kórsetti. Kezdesý qorytyndysy boıynsha taraptar ultaralyq jáne konfessııaaralyq kelisimdi EQYU keńistiginde nyǵaıta berý úshin ózara is-qımyldy odan ári jalǵastyrý qajet degen ortaq ustanymǵa keldi.
