Jarqyn isterge jigerlendirdi

Bul kúnderi búkil elimiz partııamyzdyń XV sezinen keıingi órleý kezeńin bastan keshýde. Sezd sheshimderinen, sezde Elbasymyz, partııa Tóraǵasy N.Á.Nazarbaevtyń sóılegen sózinen alǵan orasan zor áser men tyń serpin qoǵam ómiriniń qaı salasynda da aıqyn ańǵarylýda. Ásirese, nurotandyqtar sezden elimizdi odan ári damytý jolyndaǵy jarqyn isterge degen zor qulshynyspen oralǵandary sózsiz.

Bul kúnderi búkil elimiz partııamyzdyń XV sezinen keıingi órleý kezeńin bastan keshýde. Sezd sheshimderinen, sezde Elbasymyz, partııa Tóraǵasy N.Á.Nazarbaevtyń sóılegen sózinen alǵan orasan zor áser men tyń serpin qoǵam ómiriniń qaı salasynda da aıqyn ańǵarylýda. Ásirese, nurotandyqtar sezden elimizdi odan ári damytý jolyndaǵy jarqyn isterge degen zor qulshynyspen oralǵandary sózsiz.

Sezde Nursultan Ábishulynyń partııalastaryna, el halqyna arnaǵan tujyrymdy sózderin bizder aldaǵy atqarylatyn aýqym­dy jumystarǵa arnalǵan baǵdarsham dep túsindik. Elba­synyń ótken jylǵy «Qazaq­stan-2050» Strategııasynyń ne­gizgi baǵyttaryn aıqyndap bergen Joldaýyn júzege asyrýda partııanyń róli men mindetteri sezde qabyldanǵan jańa Dok­trınada naqty kórinis tapqan.

Budan 12 jyl buryn qabyl­dan­ǵan partııanyń burynǵy Dok­trınasy óz mindetin tolyq­taı ótedi. Partııanyń jańa­ Saıa­sı doktrınasy Elba­sy,­ par­tııamyzdyń Tóraǵa­sy­ N.Á.Na­zar­baevtyń «Qazaq­stan-2050» Strategııasyn naqty is­ke asyrý­dyń taǵy bir tegeýrindi qadamy dep bilemiz. Doktrına qazaq­standyq qoǵamdy jarqyn bo­lashaq jolyndaǵy jasampaz isterge bastaıtyn, ýaqyt aǵymy men táýelsizdik jyldarynda qalyptasqan negizgi qun­dylyqtarymyzdy ómirsheń ıdeıa­larmen órnekteıtin partııalyq baǵdarlama, tujyrymdamalyq qujat bolyp tabylady.

«Nur Otan». Nurly bolashaq jolynda!» degen ataýy aıtyp turǵandaı, bul Doktrınanyń partııamyzdyń taıaý bolashaqta atqarýǵa tıisti mindetterin aıqyn­daýmen qatar, búgingi jas ur­paqty alys kókjıekterge um­syndyratyn bolashaq damýdyń baǵdarshamyndaı. Qujattyń basty qundylyǵy da osynda. Taǵy bir ereksheligi – onyń «Nur Otannyń» 15 jyldyǵyna oraı qabyldanǵan saıası qujat bolýynda. Osynaý 15 jyl ishindegi elimizdiń damý joldary, álemdik ekonomıkany shaıqaltqan daǵdarystarmen kúres kezeńderi, Elbasymyzdyń táýelsiz Qazaqstandy nyǵaıtý, órkenıet kóshine ilestirý jolyndaǵy syndarly eńbekteri kóz aldymyzda.

Adam qaı nársege de salys­ty­rý arqyly kóz jetkizetini aıan. Osy­dan 10-15 jyl burynǵy ómi­rimizge kóz jibersek, qazir adamdarymyzdyń áleýmettik kel­betinde de, ekonomıkamyzdyń damý baǵyttarynda da túbegeıli ózgerister bolǵany aıqyn ań­ǵarylady. Barlyq damý kezeń­de­rimizde Elbasynyń janyna jalaý bolǵan bizdiń partııamyz memleket damýynyń jańa strategııasyn júzege asyrýdyń baǵyt-baǵdaryn, is-qımyl josparyn jasap alýǵa belsene kiristi. Jańa tuǵyrnama, jańa baǵyt, jańa sheshimder men jańa ıdeıalar aıasynda jumys jasaý ómirlik qajettilikke aınala bastady.

Doktrınanyń árbir taraýynyń atqaratyn róli, arqalaıtyn júgi taý-tóbe derlik. Onyń «Jańa baǵyt­tyń maqsattary: tabysty damýdyń jeti faktory» atty 4-taraýynyń keıbir tarmaqtary boıynsha óz oı-túıinderimdi baıan eteıin.

Baıyrǵy qazaq jerinde tarıhı taǵdyr toptastyrǵan kópte­gen ult ókilderi turyp jatyr. Kóp­etnosty qoǵamda birlik pen kelisimdi, turaqtylyqty saq­taýdyń búgingideı dúbirli dáýirde qanshalyqty qıyn ekenin ózge elderde oryn alyp jatqan qyrǵı-qabaq soqtyǵystardan kórip-bilip kelemiz.

Doktrınadaǵy «Birlik pen kelisim» atty bólimde partııa­myz­dyń demokratııany qoǵam­daǵy ártúrli ulttar men ulys­tar­dyń san alýan múddelerin sáıkestendirýdiń eń tıimdi joly retinde baǵalaıtyny jáne demokratııalyq dástúrler men máde­nıettiń damýyna, elimizdi órkenıet jolymen odan ári órken­detýge yqpal etetin qýatty qural bolatyny qysqa da nusqa, meılinshe, túsinikti etip baıan etilgen.

Munyń jarqyn kórinisterin bizdiń Mańǵystaý oblysynan da kóptep kezdestirýge bolady. Oblysymyzda qazir 21 etnomádenı birlestik jumys isteıdi. Olar bizdiń partııalyq sharalarymyzǵa qoıan-qoltyq aralasyp turady. Táýelsizdik jyldary ishinde óńirimizdi meken etip jatqan ózge ult ókilderi arasynda kelispeýshilik kórinister bolǵan emes. Bizder bul baǵyttaǵy jumystarymyzdy qujatta aıtyl­ǵan qaǵıdattarǵa saı jańasha júrgizýdiń jospar-jobalaryn qolǵa alýǵa tıispiz. Endigi maqsat – óńirlerde qyzmetimizdiń eń negizgi baǵyty etip osy faktordy ustaný.

Doktrınadaǵy «Tól mádenıet jáne rýhanııat» atty taraý­da kóterilgen máseleler jobany­ talqylaý barysynda jurt­shy­lyqtyń basty nazarynda boldy. Prezıdenttiń «Qazaqstan-2050» Strategııasynda aıtylǵan jas urpaqty «Qazaqstandyq patrıo­tızm» rýhynda tárbıeleýdiń qaǵıdattary Tóraǵamyzdyń sezde sóılegen sózinde jańa qyrynan kórinis tapty. Táýelsizdik jyldarynda elimizde totalıtarlyq júıeniń salqyny tımegen jańa urpaq ósip-jetildi. Olardy ulttyq qundylyqtarymyzben sýsyndatyp ósirý, tól tarıhymyzdy tanytý, tilimiz ben dilimizdiń ómirsheńdigin sanasyna sińirý bizdiń partııamyzdyń aınymas qaǵıdasyna aınalýy tıis. Elbasynyń partııa sezinde osynaý ómirlik mańyzdy máselege taǵy da nazar aýdaryp: «Qazaq tilin bilý azamattyq paryzdy ǵana emes, ultqa degen qurmetti bildiredi», dep atap kórsetýi tekten-tek emes. Táýelsiz Qazaq eliniń bolashaǵy – qazaq tilinde ekeni, mádenıetimiz ben rýhanı qundylyqtarymyzdyń, tilimizdiń, ultymyzdyń ómirsheń­digine, Táýelsiz memleketimizdiń «Máńgilik El» bolyp qalyp­ta­sýyna bastaıtyn sara jol ekeni sózsiz.

Doktrınadaǵy «Qýatty ekonomıka», «Tıimdi memlekettik basqarý» atty taraýlar elimizde júrgizilip jatqan ómirlik mańyzy zor, el damýyna tyń serpin beretin reformalardyń naqty mindet­terin aıqyndaıdy. «Myqty aımaq – myqty memleket» demekshi, oblys kóleminde bıylǵy jyldyń toǵyz aıy ishinde aýqymdy jumystar júzege asyryldy. Osy oraıda, bıylǵy mamyr aıynda kórshiles eki el prezıdentteriniń qatysýymen ashylǵan О́zen – Túrkimenstan shekarasy temir joly elimizdiń halyqaralyq baılanystaryn nyǵaıtýǵa, onyń ishinde Mańǵystaýdyń ekonomıkalyq-áleýmettik áleýetin arttyrýǵa aıtarlyqtaı yqpal etetin, aldaǵy damý baǵyttarymyzǵa tyń serpin beretin ıgiligi mol is boldy. Uzyndyǵy 145 shaqyrymdyq temirjol boıyna elektr júıesi, sý, gaz jelisi tartylyp, bes beket, Bolashaq atty jańa stansa salyndy. Bul buryn týsyrap jatqan japan dalany jańǵyrtyp, el ıgiligine jaratý, eń bastysy – Jańaózen qalasyndaǵy jumyssyzdyq deńgeıin edáýir mólsherde tómendetýge yqpal etti.

Oblys halqynyń áleýmettik jaǵdaıyn jaqsartýǵa baǵyttalǵan taǵy bir tegeýrindi qadam – bul kóp jyldar boıy talaı alqaly jıyndardyń taýsylmas «jyryna» aınalyp kelgen Beıneý – Aqtaý asfalt jolynyń salyna bastaýy deýge bolady. Qazir bul jerde de jumys qarqynmen júrip jatyr. Halyq arasynda «О́mir joly» dep atalyp ketken bul kúre joldyń oblys turǵyndary úshin mańyzy zor. Mańǵystaý oblysyna halyqqa qajetti taýarlardyń, azyq-túlik ónimderiniń 70-80 paıyzy syrttan tasymaldanady. О́ńirdegi qymbatshylyqtyń bir túıini osynda jatqanyn eskersek, Beıneý – Aqtaý asfalt jolynyń mańyzdylyǵyn túsinýge bolady. Sonymen qatar, Beıneý – Jez­qazǵan temirjolynyń salyna bastaýy da Mańǵystaý turǵyn­darynyń nurly bolashaqqa degen senimin ústeı túskenin aıtý kerek.

Doktrınada atalǵan «Ádil áleýmettik saıasattyń» júzege asyrylýyn qadaǵalaýda aımaqtyq, aýmaqtyq fılıaldarǵa erekshe senim artylatynyn biz jaqsy túsinemiz. Bilim berý, densaýlyq saqtaý salalaryndaǵy memlekettik baǵdarlamalardyń sapaly oryndalýy, árkimniń turǵyn úımen qamtamasyz etilýi jáne t.s.s. asa mańyzdy jobalardyń sapaly júzege asyrylýy túbinde biz taǵaıyndaǵan bılikke degen kózqarasty qalyptastyrady. Sondyqtan, jańa Doktrına bizge fılıaldardaǵy basqarýdyń sapasyn arttyrýǵa asa mán berilýi qajet ekendigin kórsetip turǵan sekildi. Biz ol úshin bastaýysh­ partııa uıymdarynan bastap bar­lyq deńgeıde jumystyń uıymdastyrylý sapasyn jaqsar­týymyz qajet. Eń áýeli aýmaqtyq fılıaldarymyzdyń materıaldyq-tehnıkalyq bazalaryn nyǵaıtý mańyzdy. Qazir oblystaǵy 7 fılıaldyń 6-ýynyń jańa jeke ǵımaratynyń qurylysy aıaqtaldy. Jańa avtokólikter men kompıýterler alynyp berildi. Endi, osy sharýashylyqty tıimdi basqara bilý qajet.

Qoryta aıtqanda, partııanyń Mańǵystaý oblystyq fılıaly, delegattarymyz sezd she­shimderin, Elbasy, partııa Tór­aǵasy N.Á.Nazarbaevtyń sezde sóılegen tujyrymdamalyq sózin qalyń jurtshylyqqa nasıhattaý, túsindirý jumystaryna sezden oralǵan bette-aq kirisip ketti. Oblystyq telearnanyń «Rezonans» telehabaryna qatysyp, kórermenderdiń suraqtaryna tikeleı efırde jaýap berdik. «El erteńi» telebaǵdarlamasyna delegattarymyzdy, jastar ókilderin qatystyryp, sezde aıtylǵan máseleler, partııanyń jańa Doktrınasy týraly keleli áńgimeler júrgizdik. Oblys kóleminde shyǵyp turǵan gazet­terde delegattarymyzdyń maqa­lalary jaryq kóre bastady. Taıaýdaǵy josparymyzda iri kásip­oryndardyń ujymdary aldynda, bastaýysh partııa uıym­darynda, jastar ókilderimen delegattarymyzdyń kezdesýlerin ótkizip, arnaıy leksııalar oqýdy kózdep otyrmyz.

Qysqasy, bizderdi sezd qabyl­daǵan sheshimderdi, Tóraǵamyzdyń sezd minberinen aıtqan tujy­rym­dary men tapsyrmalaryn júzege asyrý jolyndaǵy aýqymdy ister kútip tur.

Qanybek JUMAShEV,

«Nur Otan» partııasy Mańǵystaý oblystyq

fılıaly tóraǵasynyń birinshi orynbasary.

AQTAÝ.