Kásiporynnyń baılanys jáne aqparat bóliminiń málimetinshe, jańa joba ónerkásiptik qaldyqtardan tazartýdyń eń zamanaýı júıesimen jabdyqtalǵan qondyrǵylar ornatqan.
Joba 2018 jyly №1 peshti gazdan tazartý júıesin jobalaýǵa kelisimshart jasalǵan ýaqytta bastaldy. Kásiporyn ekologtarynyń pikirinshe, joba aýaǵa shyǵatyn qaldyqtardy 2376 tonnaǵa jylyna birtindep tómendetýge múmkindik beredi. Kompanııa ókilderi atap ótkendeı, bul jobaǵa aıtarlyqtaı ınvestısııa quıyldy – alǵashqy eki elektr súzgisin satyp alýǵa jáne jańǵyrtý jumystaryna 11 mıllıon AQSh dollary baǵyttalǵan.
Jobany oryndaýshy naryqta jaqys tanylǵan –ThyssenKrupp nemis kompanııasy. Kompanııa mamandary barlyq esepteýlerdi júrgizip, jańa elektr súzgileriniń negizgi elementterin jasady. Sonymen qatar eskilerin bólshekteýge tikeleı qatysty.Jańa "gıbrıdti " súzgiler burynǵy súzgilerdi almastyrdy. Pesh ekinshi súzgimen 50 paıyzdyq júktememen jumys istep jatqanda, birinshisin aýystyrý jumystary qatar júrgizildi. Bul peshti toqtatpaı qatar atqarýǵa múmkindik berdi, osylaısha onyń toqtap turýyn tómendetip, qalpyna keltirý jumystaryna baılanysty shyǵyndardy azaıtýǵa múmkindik berdi.
Qazirgi elektr súzgileriniń basty aıyrmashylyǵy – olar"gıbrıdti". Iаǵnı, kompressorlyq jáne sorǵy stansalary qosymsha ornatylǵan tutas keshen, shań kamerasy gaz tazartý qorabymen jáne sýyq aýa aǵyny júıesimen jabdyqtalǵan. Búkil álemde bul "gıbrıdti" tehnologııa ónerkásiptik gaz shyǵaryndylaryn shańnan tazartý turǵysynda ozyq tehnologııa sanalady. Sondyqtan elektr súzgilerin aýystyrýdy eń aldymen mańyzdy tabıǵatty qorǵaý sharasy retinde mańyzdy.
