Aımaqtar • 24 Qyrkúıek, 2020

300-ge jýyq shetel azamatyna Atyraýda turaqty qalýǵa ruqsat etildi

14 ret kórsetildi

Atyraý oblysynda jyl basynan beri 300-ge jýyq shetel azamaty Qazaqstan Respýblıkasynda turaqty turýǵa ruqsat aldy, dep habarlaıdy Egemen.kz.

Oblystyq polısııa departamenti baspasóz qyzmetiniń málimetine súıensek, Atyraý oblysyna kelip, turaqty turýǵa ótinim bergenderdiń arasynda TMD elderiniń azamattarymen birge, Ulybrıtanııa, Italııa, Úndistan, Túrkııa sekildi shet memleketterdiń ókilderi de bar. Olar otbasy jaǵdaıyna baılanysty Qazaqstanda turýǵa ruqsat alýǵa sheshim qabyldap, kóshi-qon polısııasyna tıisti ótinishpen júginedi.

Sonyń biri – О́zbekstan Respýblıkasynyń azamaty Baqyt Estemirova. Ol Qazaqstanda turaqty turý úshin kóshi-qon polısııasyna qujat tapsyrǵan.

"О́tken jyldyń qazan aıynda О́zbekstandaǵy esepten shyǵyp, kámeletke tolmaǵan qyzymmen Qazaqstanǵa keldim. Meniń kúıeýim osynda turady. Birden turaqty turýǵa ruqsat alý úshin ótinish berdim. Qujat rásimdeýge kóshi-qon polısııasy kómektesti. Mamandar rásimdeý prosedýrasyn egjeı-tegjeıli túsindirdi. О́tinishimdi kidirissiz qabyldady. Turaqty turýǵa ruqsat aldym. Endi Qazaqstan Respýblıkasynyń azamattyǵyn alý úshin qujat jınaqtap júrmin", deıdi Baqyt Estemirova.



Sońǵy jańalyqtar

Namysyn tý etken

Rýhanııat • Keshe

Koronavırýstan qalaı qorǵanamyz?

Koronavırýs • Keshe

Uqsas jańalyqtar