Aımaqtar • 24 Qyrkúıek, 2020

Mańǵystaýdaǵy gaz qubyrynyń ústine salynǵan jol el nazaryn aýdardy

173 ret kórsetildi

Mańǵystaý oblysynyń Atash aýylyndaǵy kóshelerdiń birinde jol tóseý barysyndaǵy oryn alǵan keleńsizdikke baılanysty Túpqaraǵan aýdandyq ákimdigi túsinik berdi, - dep habarlaıdy Egemen.kz Mańǵystaý oblysynyń qoǵamdyq kommýnıkasııa ortalyǵyna silteme jasap. 

2020 jyldyń 23 qyrkúıegi kúni saǵat 18:30 shamasynda aýylishilik jol qurylysymen aınalysýshy merdiger mekeme "Bek-AqtaýGazSnab" JShS tarapynan jumys aıaǵynda baqylaýshy jaýapty tulǵanyń bolmaýyna baılanysty aldaǵy ýaqytta aýystyrylýǵa jatatyn gaz qubyrynyń ústinen asfalt jolyn tósep ketken.

Aýdandyq turǵyn úı-kommýnaldyq sharýashylyǵy, jolaýshylar kóligi jáne avtomobıl joldary bóliminiń basshysy A.Jetkizgenovtyń gaz qubyrynyń qorǵaý aımaǵyna jatatyn 5 metr (eki jaǵynan 10 metr) jerdi qaldyryp ketý týraly aldyn-ala eskertýine qaramastan, merdiger mekeme tarapynan óreskel qatelikke jol berilgen. Osyǵan baılanysty merdiger mekeme sol túni tóselgen asfalt jabyndysyn alyp tastady.

Merdiger mekeme ketken qatelikteri úshin jaýapkershilikti tolyǵymen óz moıyndaryna aldy. Atalǵan jumystardy qalpyna keltirý merdiger mekeme tarapynan júrgiziledi. Sondaı-aq, "QazTransGazAımaq" AQ-tyń alynǵan tehnıkalyq shart talaptaryna sáıkes gaz qubyry aýystyrylady.

Aýylishilik joldyń atalǵan bóligin asfalttaý gaz qubyryn aýystyrǵannan keıin júrgiziledi.

Sońǵy jańalyqtar

Namysyn tý etken

Rýhanııat • Keshe

Koronavırýstan qalaı qorǵanamyz?

Koronavırýs • Keshe

Uqsas jańalyqtar