Aýa raıy • 24 Qyrkúıek, 2020

Jel men úsik: Elimizdiń 7 óńirinde aýa raıyna qatysty eskertý jasaldy

226 ret kórsetildi

Erteń, 25 qyrkúıekte Qazaqstannyń 7 oblysynda jel men úsikke baılanysty eskertý jarııalandy, dep habarlaıdy Egemen.kz. Bul týraly "Qazgıdromet" málimdedi.

Kúndiz Atyraý oblysynyń keı jerlerinde jeldiń ekpini sekýndyna 15-20 metrge jetedi.

Aqmola oblysynda keı jerlerde tuman túsedi. Soltústik-batystan jel soǵyp, onyń ekpini sekýndyna 15-20 metrge jetedi.

Pavlodar oblysynda soltústik-batystan sekýndyna 15-20 metr jyldamdyqpen jel soǵady. Pavlodarda soltústik-batystan jel soǵyp, onyń ekpini sekýndyna 17 metrge jetedi.

Qaraǵandy oblysynda keı jerlerde tuman túsedi. Soltústik-batys jáne soltústikten jel soǵyp, keı jerlerde onyń ekpini sekýndyna 15-20 metrge jetedi. Qaraǵandyda da tuman túsedi.

Qostanaı oblysynda keı jerlerde tuman túsedi. Túnde keı jerlerde aýa temperatýrasy 2 gradýsqa deıin tómendep, úsik júrýi múmkin.

25-27 qyrkúıek aralyǵynda túnde Qyzylorda oblysynda aýa temperatýrasy 1-3 gradýsqa deıin tómendep, úsik júredi.

Sonymen qatar, 24-26 qyrkúıek aralyǵynda Shyǵys Qazaqstan oblysynyń taýly ózenderinde sý deńgeıi kóterilip, aǵyn sý júrýi yqtımal.

Sońǵy jańalyqtar

Namysyn tý etken

Rýhanııat • Keshe

Koronavırýstan qalaı qorǵanamyz?

Koronavırýs • Keshe

Uqsas jańalyqtar