Qujatqa «Qazaqstan temir joly» UK» AQ bas ınjeneri Batyr Kotyrev jáne «QazTransGaz О́nimderi» JShS bas dırektory (basqarma tóraǵasy) Alık Áshirov qol qoıdy. Kelisim STG-ni dızeldi qozǵaltqyshy bar teplovozdarda qoldaný, synaqtardy ótkizý jáne STG-ni jetkizý oryndaryn aıqyndaý boıynsha júıelerdi engizý josparyn ázirleý men iske asyrýǵa baǵyttalǵan sharalar keshenderin qamtıdy. Kelisimdi iske asyrý sheńberinde aqparatpen, usynystarmen, ıdeıalarmen jáne pikirlermen ózara almasý úshin jumys toby quryldy.
B.Kotyrev «QTG» UK» AQ árkez jumysta ozyq tehnologııalardy qoldana otyryp ýaqyt talabynan qalmaýǵa tyrysady ári tek qana senimdi seriktestermen yntymaqtasatyndyǵyn aıtty. Suıytylǵan gaz, bul únemdi, eń bastysy ekologııalyq otyn jáne ony teplovozdarda qoldaný tek qana oń nátıjeler kórsetýi tıis.
«QazTransGaz» AQ eldiń kólik sektoryn jańǵyrtý jáne ony dızeldi otynnan tabıǵı gazǵa aýystyrý boıynsha úlken jumys atqarýda ekendigin eskerý qajet. Almaty, Taldyqorǵan, Shymkent, Túrkistan, Taraz, Qyzylorda, Aqtóbe, Atyraý qalalary ákimdikterimen mýnısıpaldyq tehnıkany jáne áleýmettik avtobýstyq parkterdi ekologııalyq otynǵa aýystyrý týraly kelisimder jasalyp qoıdy. Budan bólek, eldiń negizgi avtomagıstraldarynda avtomobıldik gaz toltyrý kompressorlyq stansalary, krıogendik avtomobıldik janar-jaǵar maı stansalarynyń jelilerin keńeıtý jobalaryna, az tonnaly zaýyttarda STG-ni óndirý boıynsha ınnovasııalyq jobalarǵa bastama jasaldy jáne iske asyrylýda.
