"Jol jyl boıy demalyssyz jumys isteıdi. Aqyly joldarǵa tólenetin aqsha qysta aqyly joldy tazartýǵa, qar jınaıtyn qurylymdardy ornatýǵa, qosymsha qaraýǵa jáne kúzetýge jumsalady. Kóktemde sý tasqynyna baılanysty jumystarǵa, sý ótkizgishterdi tazartý jumystaryna ketedi. Jaz mezgilinde jol belgilerin qoldaný, aýystyrý, qoqystardy jınaý, demalys oryndaryn tazartý jáne basqa jumystarǵa paıdalanylady", dedi "QazAvtoJol" UQ" AQ Aqyly avtomobıl joldary dıreksııasy fılıalynyń dırektory Marat Súleımenov.
Instagram áleýmettik jelisindegi @kazautozhol paraqshasynyń tikeleı efırinde birneshe suraqqa jaýap bergen ol, balamaly joldar týraly da aıta ketti.
"Joldar týraly" zańnyń 5-babyna sáıkes, kez kelgen qoldanystaǵy balamaly jolmen júrý múmkindigimen aqyly joldyń bastalý jáne aıaqtalý núkteleri kórsetilýi kerek. Osylaısha, Zańda balamaly jol bolmaǵan jaǵdaıda, aqyly negizde joldy paıdalanýǵa shekteýler qarastyrylmaǵan. Alaıda, qoldanystaǵy tórt aqyly ýchaskede balamaly joldar bar", dedi Marat Súleımenov.
