О́ńir ekonomıkasynyń damýyna serpin beretin jańadan ashylǵan kásiporyndardyń jobalyq qýatyna shyǵýy basty nazarda ustalýda.
Bul týraly oblystyq kásipkerlik jáne ındýstrııalyq-ınnovasııalyq damý basqarmasynyń basshysy Marat Balmuhanov buqaralyq aqparat quraldary ókilderimen ótkizgen kezdesýde keńinen áńgimeledi. Onyń aıtýynsha, oblys boıynsha jalpy somasy 517,2 mıllıard teńge turatyn 74 ınvestısııalyq joba Qazaqstannyń ındýstrııalandyrý kartasyna engizilgen. Bul jobalar júzege asqanda 9 myńnan astam jańa jumys orny ashylatyn bolady. 2011-2012 jyldary 188,3 mıllıard teńge bolatyn 64 joba paıdalanýǵa berilip, jańadan 5 myń jumys orny ashylǵan. Bıyl ındýstrııalandyrý kartasy aıasynda 118,2 mıllıard teńgeniń 11 jobasy júzege asyrylýy tıis, bir myń jańa jumys orny ashylýy qajet bolatyn. Búgingi kúnge deıin 1,5 mıllıard teńgeniń 6 nysany iske qosylyp, 240 adam eńbekke tartyldy. Olardyń arasynda «Stroıdetal» JShS-niń qýys plıtalar shyǵaratyn óndiristik kesheni men «Qazhrom» AQ jańa ferroqorytpa zaýyty asa mańyzdy da iri kásiporyndar bolyp tabylady.
О́ńir ekonomıkasynyń damýyna serpin beretin jańadan ashylǵan kásiporyndardyń jobalyq qýatyna shyǵýy basty nazarda ustalýda.
Bul týraly oblystyq kásipkerlik jáne ındýstrııalyq-ınnovasııalyq damý basqarmasynyń basshysy Marat Balmuhanov buqaralyq aqparat quraldary ókilderimen ótkizgen kezdesýde keńinen áńgimeledi. Onyń aıtýynsha, oblys boıynsha jalpy somasy 517,2 mıllıard teńge turatyn 74 ınvestısııalyq joba Qazaqstannyń ındýstrııalandyrý kartasyna engizilgen. Bul jobalar júzege asqanda 9 myńnan astam jańa jumys orny ashylatyn bolady. 2011-2012 jyldary 188,3 mıllıard teńge bolatyn 64 joba paıdalanýǵa berilip, jańadan 5 myń jumys orny ashylǵan. Bıyl ındýstrııalandyrý kartasy aıasynda 118,2 mıllıard teńgeniń 11 jobasy júzege asyrylýy tıis, bir myń jańa jumys orny ashylýy qajet bolatyn. Búgingi kúnge deıin 1,5 mıllıard teńgeniń 6 nysany iske qosylyp, 240 adam eńbekke tartyldy. Olardyń arasynda «Stroıdetal» JShS-niń qýys plıtalar shyǵaratyn óndiristik kesheni men «Qazhrom» AQ jańa ferroqorytpa zaýyty asa mańyzdy da iri kásiporyndar bolyp tabylady.
«SNPS – Aqtóbemunaıgaz» AQ №3 Jańajol gaz óńdeý zaýytynyń ekinshi jáne úshinshi kezegi iske qosylǵanda kógildir otyn tek bizdiń oblystyń aýdandaryna ǵana emes, Qazaqstannyń ońtústigin de gazben qamtamasyz etetin bolady. Gaz týrbınalyq stansanyń qýaty 160 MVt-qa deıin artady, bul oblys ekonomıkasyn óz elektr qýatymen qamtamasyz etýge múmkindik beredi. Nysandy 2014 jyly iske qosý kózdelgen.
«Qazaqstan temirjoly» AQ qoldaýymen salynyp jatqan rels zaýytynyń bolashaǵy zor. Aldaǵy ýaqytta elektrli bolat balqytý zaýyty jáne alǵashqyda qýaty 40 MVt bolatyn, keıin 150 MVt-qa deıin keńeıtiletin gaz týrbına elektr stansasyn salý josparlanýda. Bul jobalardyń jalpy ınvestısııalyq kólemi 115 mıllıard teńgeni quraıdy.
– ÚIIDB-nyń ekinshi besjyldyq jospary jasalýda. Onda elimizdiń ár óńiriniń 2020 jylǵa deıingi ekonomıkalyq mamandanýy qarastyrylatyn bolady. Bizdiń oblystyń perspektıvalyq baǵyttary – munaı men gaz, temir kenderin óndirý men óńdeý, metallýrgııa jáne hımııa ónerkásibi, sondaı-aq, qurylys ındýstrııasy bolyp tabylady, – deıdi Marat Balmuhanov.
– Onyń málimdeýinshe, 2020 jylǵa qaraı ónerkásiptik óndiristiń jalpy kólemi 1,7 trıllıon teńgege jetedi. Al, óńdeý ónerkásibiniń kólemi 300 mıllıard teńge bolady, negizgi kapıtalǵa salynatyn ınvestısııa kólemi 600 mıllıard teńgeni quraıdy.
Qazir Qazaqstannyń ındýstrııalandyrý kartasy sheńberinde iske qosylǵan nysandardyń arasynan 42 kásiporyn tolyq qýatyna shyqsa, 6 joba 70 paıyz shamasynda jumys istep tur. Al, 19 kásiporyn óndiristik qýatynyń 30 paıyzyn ǵana paıdalanýda kórinedi.
– Olardyń barlyǵyna ortaq kemshilik, ónimderin ótkizý rynogynyń bolmaýy der edim. О́kinishke qaraı, Indýstrııa jáne jańa tehnologııa mınıstrliginiń bul talaptaryn jobalardyń bastamashylary túbegeıli oılastyrmaǵany ańǵarylady, – dedi ol.
Basqarma basshysy obektıvti sebeptermen kenjeleý qalǵan nysandardy mysalǵa keltirdi. «Andı» JShS sút fermasyn iske qosý kezinde mal dárigerlik qyzmet tańdalǵan elden iri qara ákelýge ruqsat bermegen. Qazir bári qalpyna kelgen, ústimizdegi jylǵy qarasha aıynda bul seriktestiktiń sútiniń dámin aqtóbelikter tatatyn bolady.
Al, «Aqtóberentgen» AQ jaǵdaıynyń kúrdeliligi ózgeshe sıpatta bolyp otyr. Densaýlyq saqtaý mınıstrligi osy kásiporyn shyǵaratyn otandyq rentgen apparattaryn satyp alýǵa kelisimsharty bolǵanymen, olardy shetelderden satyp ala bastady. Jaǵdaı oblystyq ákimdiktiń baqylaýynda. Densaýlyq saqtaý mınıstrliginde ózekti máseleni oń sheshýdiń joldary qarastyrylýda.
Satybaldy SÁÝIRBAI,
«Egemen Qazaqstan».
Aqtóbe oblysy.
