Qazaqstan • 28 Qyrkúıek, 2020

Pandemııa jaǵdaıyndaǵy úkimetterdiń daǵdarystyq kommýnıkasııalary talqylandy

18 ret kórsetildi

Jıyrmadan astam el ókilderi koronavırýstyq pandemııa kezinde úkimetter qoldanǵan tıimdi strategııalyq kommýnıkasııalar barysyn talqylady. Astana memlekettik qyzmet haby bastamasymen jáne BUU Damý Baǵdarlamasy (BUUDB) qoldaýymen halyqaralyq onlaın-semınar ótkizilip, Grýzııa, Qazaqstan, EYDU jáne AQSh sarapshylary daǵdarystyq kommýnıkasııa salasyndaǵy óz elderi tájirıbesimen bólisti, dep habarlaıdy Egemen.kz

Semınarǵa 140-tan astam qatysýshy  - Eýropa, Azııa, Amerıka jáne Afrıka elderi ýákiletti memlekettik organdar basshylary, sarapshylary men praktıkteri, sondaı-aq BUU, EYDU, IýNISEF, IýSAID, WGS sııaqty halyqaralyq uıymdar ókilderi at salysty.

BUU Bas hatshysynyń orynbasary, Halyqaralyq azamattyq qyzmet komıssııasynyń (ICSC) Tóraǵasy Larbı Djakta myrza is-sharanyń qurmetti qonaǵy boldy. Ol qatysýshylarǵa jazǵan joldaýynda taqyryptyń ózektiligin kórsetip, uıymdastyrýshylarǵa is-shara úshin alǵysyn bildirip, Astana haby árqashan ózekti máselelerge nazar aýdaratynyn málimdedi.

Semınardy asha otyryp, Astana memlekettik qyzmet haby Basqarýshy komıteti tóraǵasy Alıhan Baımenov "daǵdarys jaǵdaıynda qoǵamdyq senim mańyzdylyǵy burynǵydan da arta túsetindigin" atap ótti. "Senim - sheshýshi faktor, áleýmettik qundylyq qana emes, sonymen birge tıimdi ákimshilik kapıtal. Senim deńgeıi úkimetterdiń, qoǵamdardyń jáne ekonomıkalardyń daǵdarystan shyǵý boıynsha kúsh-jigerin qoldaýǵa qyzmet etedi. Tıimdi kommýnıkasııalyq strategııa - halyqtyń senimin arttyrý men daǵdarystardy basqarýdyń mańyzdy quraly", dedi Baımenov.

Sonymen qatar sharanyń ashylýyna BUU Damý Baǵdarlamasy Qazaqstandaǵy turaqty ókiliniń orynbasary Vıtalıı Vremısh qatysty.

Semınar barysynda daǵdarys kezeńinde strategııalyq kommýnıkasııalardy damytýmen tikeleı aınalysqan praktıkter óz oılarymen bólisti. Olardyń arasynda - "Voice from Georgia» úkimettik emes uıym  Basqarma tóraǵasy, medıa zertteýler aýqymynda Grýzııa úkimetine usynystar ázirleýshilerdiń biri - Iraklı Tablıashvılı, EYDU Memlekettik sektordy basqarý jónindegi dırektoratynyń saıası analıtıgi, kommýnıkasııa salasyndaǵy ınnovasııalyq ádisterdi jáne jalǵan aqparattyq tásilderdi zertteýshi Karlotta Alfonsı, AQSh Senatorynyń apparat basshysy orynbasary, burynǵy baspasóz hatshysy jáne kommýnıkasııalar boıynsha dırektory Edvard Shelbı jáne Factcheck Qazaqstan jobasynyń qazaq tilindegi nusqasynyń Bas redaktory Dýman Smaqov boldy.

Iraklıı Tablıashvılı "Grýzııada pandemııanyń alǵashqy tolqyny kezeńinde qoǵammen kommýnıkasııa júgin, onyń ishinde barlyq azamattardy strategııalyq sheshimder men ádisterden habardar etý jumysyn úsh jetekshi tulǵa, tanymal ǵalym qolǵa alyp, "úsh noıan" retinde tanylǵanyn aıtty. Bul taktıka shamadan tys dramatızasııasyz halyqtyń senimi men ujymdyq jaýapkershiligin arttyrýǵa múmkindik berdi", dedi ol.

EYDU ókili Karlotta Alfonsı "pandemııa kezinde úkimetter COVID-19 ınfodemııasyna qarsy turý úshin ózderiniń qoǵamdyq baılanystaryna basymdyq berýi kerek boldy".

Ol sondaı-aq bul is-sharalardyń tıimdiligi kóbinese olardyń ashyq úkimet prınsıpterine, birinshi kezekte memlekettik ınstıtýttarǵa degen senimdilikti arttyrý maqsatynda ashyqtyq qaǵıdattaryna degen táýeldiligine baılanysty ekenin aıtty.

О́z kezeginde Edvard Shelbı "kommýnıkasııanyń az quraldary  men tym polıarızasııalanǵan qoǵamǵa kezikken AQSh úkimeti qoǵamdyq densaýlyq saqtaý múddesi men dezınformasııaǵa qarsy turý úshin aqparat berýdiń kreatıvti tásilderin qoldanýǵa májbúr bolǵanyn" jetkizdi.

Saılanbaly laýazym ıeleri  de halyqtyń senimsizdigine ushyraýda, sondyqtan olar saılaýshylarmen qarym-qatynasta  sandyq quraldar paıdalanýda jáne COVID 19 pandemııasymen kúreste qajetti sharalar týraly óz pikirlerin bildirýde senimdirek aqparat kózderine -  densaýlyq saqtaý salasy sarapshylary men ýnıversıtet professorlaryna jıi júginedi.

Dýman Smaqov "koronavırýs pandemııasynan týyndaǵan qazirgi Qazaqstandaǵy jaǵdaı senimdi aqparattardy qoldaýdyń memlekettik organdar úshin de, halyq úshin de daǵdarystan shyǵýdaǵy mańyzdylyǵyn kórsetti", dep atap ótti.

 

Sońǵy jańalyqtar

Taraz qalasynda nan qymbattaǵan

Aımaqtar • Búgin, 19:15

Dollardyń erteńgi baǵamy qandaı bolmaq?

Ekonomıka • Búgin, 18:25

Almatydaǵy avtoservıs otqa orandy

Aımaqtar • Búgin, 15:33

Joǵalǵan bala 12 saǵatta tabyldy

Aımaqtar • Búgin, 14:38

Karantınniń kezinde kókpar tartqan

Aımaqtar • Búgin, 12:30

Bos jatqan 665 myń gektar jer anyqtaldy

Aımaqtar • Búgin, 12:10

Dollardyń baǵasy kún sanap ósip keledi

Ekonomıka • Búgin, 11:30

Uqsas jańalyqtar