Keshe Aqordada Qazaqstan Respýblıkasynyń Memlekettik hatshysy Marat Tájınniń tóraǵalyǵymen Shetelde kadrlar daıarlaý jónindegi respýblıkalyq komıssııasynyń otyrysy ótti.
Keshe Aqordada Qazaqstan Respýblıkasynyń Memlekettik hatshysy Marat Tájınniń tóraǵalyǵymen Shetelde kadrlar daıarlaý jónindegi respýblıkalyq komıssııasynyń otyrysy ótti.
Memlekettik hatshy otyrysty asha otyryp, Komıssııa múshelerin «Bolashaq» halyqaralyq stıpendııasynyń 20 jyldyǵymen quttyqtady jáne Memleket basshysynyń jeke bastamasymen taǵaıyndalǵan stıpendııa básekege qabiletti ult qalyptastyrýǵa baǵyttalǵan asa mańyzdy serpindi jobalardyń birine aınalǵanyn atap ótti. «Bolashaq» túlekteri búginde qoǵam ómiri men memlekettiń barlyq salasynda eńbek etýde, «Qazaqstan-2050» Strategııasyn iske asyrýǵa laıyqty úlesterin qosýda.
Respýblıkalyq komıssııa sheshimine sáıkes, 66 adam magıstratýra (64 adam) jáne doktorantýra (2 adam) baǵdarlamalary boıynsha «Bolashaq» halyqaralyq stıpendııasynyń ıegeri atandy, olar Ulybrıtanııa, AQSh, Avstralııa, Kanada, QHR jáne Shveısarııanyń jetekshi joǵary oqý oryndarynda bilim alatyn bolady.
Tańdap alynǵan mamandyqtar aýqymy da aıtarlyqtaı keń. Olardyń arasynda aqparattyq tehnologııalar men aqparattyq qaýipsizdik, ekonomıka, qarjy jáne aýdıt, týrızm men sport salalaryndaǵy menedjment, lıngvıstıka jáne aýdarma isi mamandyqtary bar.
Jaqsybaı SAMRAT,
«Egemen Qazaqstan».
