Tarıh • 28 Qyrkúıek, 2020

Týystary 80 jyl boıy izdegen qazaq jaýyngeriniń súıegi tabyldy

116 ret kórsetildi

Ekinshi dúnıejúzilik soǵys jyldary iz-tússiz ketken qazaqstandyq jaýynger Tikshekeev Qaıyrjannyń súıegi tabyldy. "Atamnyn Amanaty" qoǵamdyq birlestigi men Ýkraınadaǵy "Vertıkal" mamandandyrylǵan izdeý birlestigi jaýyngerdi týǵan jerinde jerleý úshin 10 kún ishinde elge alyp keledi, dep habarlaıdy Egemen.kz.

Tikshekeev Qaıyrjan 1916 jyly Soltústik Qazaqstan oblysynda dúnıege kelgen. Maıdanǵa 1940 jyly shaqyryldy. Qazirgi tańda jaýyngerdiń súıegi Ýkraınadaǵy (Kıev) Qazaqstan Respýblıkasynyń áskerı attashesine berildi. Qazaqstanǵa jetkizilgen soń nemeresi Tikshekeev Maratqa resmı túrde tabystalady. Soldatty jerleý rásimi Soltústik Qazaqstan oblysy Aıyrtaý aýdany Dáýqara aýylynda ótedi. Sharany uıymdastyrýǵa Soltústik Qazaqstan oblysynyń ákimdigi kómektesedi.

"Osyǵan deıin tórt qazaqstandyq soldattyń súıegin elge ákeldik. Tikshekeev Qaıyrjan besinshisi. Bizdiń izdeýshiler jáne Ýkraınadaǵy izdeýshiler birlestigi úlken jumys atqardy. Olar qazaqstandyq soldattyń súıegin tapty. Al bizdiń izdeýshiler jaýyngerdiń týystaryn tapty. Osylaısha bul oqıǵanyń basy men aıaǵy biriktirildi. Biz úshin Tikshekeev Marattyń qýanyshyna sebepker bolý úlken mártebe. Ákesi, anasy, ájesi izdegen. Araǵa 80 jyl salyp qazaqstandyq jaýyngerdi taptyq. Osy uzaq joldy bizben birge ótken barsha azamattarǵa shyn júrekten alǵys aıtamyz", deıdi "Atamnyn Amanaty" qoǵamdyq birlestigi basqarma tóraǵasynyń orynbasary Raıgúl Mushanova.

Tikshekeev Qaıyrjandy izdeý jumystary uzaq jyldar boıy júrgizildi. Osy jyly qazaqstandyq soldattyń súıegi tabylyp, ony Qazaqstanǵa ákelý múmkindigi týdy. Sputnik  Qazaqstan baspasóz ortalyǵynda ótken onlaın brıfıng barysynda jaýyngerdiń nemeresi Tikshekeev Marat aıtyp berdi.

"Atamdy izdeý jumystary 80 jylǵa sozyldy. Tikshekeev Qaıyrjandy onyń anasy Jámılıa ómir boıy izdedi. Tikshekeev Qaıyrjan jalǵyz uly bolatyn. Sońǵy hatyn 1941 jyldyń shilde aıynda aldy. Odan keıin balasymen baılanysy úzilip ketti. Habar-osharsyz ketti degen qaǵaz aldyq. Atamyzdy ájem izdedi, ákem izdedi. 2004 jyly ákem dúnıeden ótti. Atamyz maıdannan jazǵan 12 hatyn maǵan amanat etip qaldyryp ketti. Ary qaraı izdeýdi men jalǵastyratynymdy aıtty. 2009 jyly as berdik. Osy jyly Ýkraınada atańyz tabyldy degen habardy estigen soń, qatty qýandyq", deıdi ol. 

Sońǵy jańalyqtar

Koronavırýstan qalaı qorǵanamyz?

Koronavırýs • Búgin, 21:33

Taraz qalasynda nan qymbattaǵan

Aımaqtar • Búgin, 19:15

Dollardyń erteńgi baǵamy qandaı bolmaq?

Ekonomıka • Búgin, 18:25

Almatydaǵy avtoservıs otqa orandy

Aımaqtar • Búgin, 15:33

Joǵalǵan bala 12 saǵatta tabyldy

Aımaqtar • Búgin, 14:38

Karantınniń kezinde kókpar tartqan

Aımaqtar • Búgin, 12:30

Bos jatqan 665 myń gektar jer anyqtaldy

Aımaqtar • Búgin, 12:10

Dollardyń baǵasy kún sanap ósip keledi

Ekonomıka • Búgin, 11:30

Uqsas jańalyqtar