Parlament Senaty Tóraǵasynyń orynbasary Asqar Beısenbaev Astanaǵa kelgen Atyraý oblysynyń ardagerlerimen kezdesti, dep habarlady osy palatanyń baspasóz qyzmeti.
Parlament Senaty Tóraǵasynyń orynbasary Asqar Beısenbaev Astanaǵa kelgen Atyraý oblysynyń ardagerlerimen kezdesti, dep habarlady osy palatanyń baspasóz qyzmeti.
Kezdesýde uzaq jyldar munaıly ólkeniń ekonomıkasyn damytý men halyqtyń áleýmettik jaǵdaıyn jaqsartýǵa aıanbaı atsalysyp, aýyl sharýashylyǵy, densaýlyq saqtaý, zań, bilim berý, temirjol salalarynda, sondaı-aq buryn ár kezeńde basshylyq laýazymdarda qyzmet atqarǵan eńbek ardagerleri búgingi elimiz qol jetkizip otyrǵan jetistikterge rızashylyǵyn bildirip, el damýyndaǵy Elbasynyń jetekshi rólin erekshe atap ótti.
Senat Tóraǵasynyń orynbasary kezdesýde «Qazaqstan-2050» Strategııasynda Memleket basshysy alǵa qoıǵan mindetterdi júzege asyrýda Parlamentte atqarylyp jatqan jumystar týraly jan-jaqty áńgimeledi. Sondaı-aq, basqosýda áleýmettik-ekonomıkalyq jańǵyrtý jáne ındýstrııalyq-ınnovasııalyq damý baǵdarlamasyn zańnamalyq turǵyda qamtamasyz etýdegi depýtattyq korpýstyń qyzmeti týraly aıtyldy.
Sonymen birge, A.Beısenbaev kezdesýge kelgen ardagerler arasyndaǵy 94 jastaǵy soǵys ardagerine uzaq ǵumyr tiledi jáne «Úlkenge – qurmet, kishige – izet kórsetý – bizdiń elimizdegi qasterli dástúrlerdiń biri. Osy Jeńiske jetkizgen Uly Otan soǵysynyń ardagerlerine sheksiz alǵys aıtamyz. Bizdiń ardagerlerdiń janqııarlyq erligi men eńbeginiń arqasynda beıbit ómir keship jatyrmyz. Táýelsizdik alǵan jyldardan beri memleket tarapynan ardagerlerdiń áleýmettik jáne turmystyq jaǵdaıyn jaqsartý úshin barlyq múmkindikter jasalyp keledi. Bul mańyzdy is budan bylaı da jalǵasa beretin bolady», dedi.
