Aımaqtar • 28 Qyrkúıek, 2020

Shymkenttik qoǵamdyq kólikter elektrondy tólem júıesine kóshedi

32 ret kórsetildi

15 qazannan bastap Shymkenttiń qoǵamdyq kólikterinde jolaqysyn elektrondy túrde tóleýge bolady, dep habarlaıdy Egemen.kz Shymkent qalasynyń Aqparattyq-kommýnıkasııalyq ortalyǵyna silteme jasap. 

Shymkent qalasyndaǵy qoǵamdyq kólikterge "Tólem" elektrondy bılet júıesin engizý máselesi boıynsha baspasóz brıfıngi ótti. Shymkent qalasy ákiminiń orynbasary Maqsut Isahov, "QazSmartTrans" JShS basshysy Serjan Aqylbaev jańa joba jaıly jan-jaqty túsindirip berdi.
 
– Elektrondy tólem júıesin engizý "QazSmartTrans" JShS-niń jeke ınvestısııa esebinen atqarylýda. Investısııa kólemi – 1,2 mlrd. teńge. Búginde stasıonarlyq valıdartorlar 350-den astam avtobýsqa ornatyldy. 30 qyrkúıekke deıin barlyq avtobýstarǵa qoıylady. Jalpy 15 qazannan bastap tólem júıesi engiziledi. 1 qarashaǵa deıin jolaýshylar tólem kartasy jáne qolma qol tóleýge múmkindigi bar. 1 qarashadan bastap, karta arqyly 70 teńge, qolma qol tóleý 100 teńge bolady.
 
Bul jobany kópten kútken edik. Shymkent qalasyndaǵy qoǵamdyq kólikti modernızasııalaý birneshe komponentterden tursa, sonyń biri elektrondy bılet júıesi. Jobany iske asyrýdaǵy negizgi maqsat – "Sıfrly Qazaqstan" memlekettik baǵdarlamasyn iske asyrý, qoǵamdyq kóliktiń qyzmetin jaqsartý jáne jolaýshylarǵa qolaıly jaǵdaılardy jasaý, qalalyq bıýdjetke túsimderdi arttyrý, jolaýshylar aǵynynyń taralýy boıynsha naqty statıstıkalyq esebin berý, naqty derekter arqyly áleýmettik máni bar marshrýtardy sýbsıdııalaý, – dedi Maqsut Pernebaıuly.
 
Qoǵamdyq kólikte tólem jasaý úshin elektrondy kartalardyn 4 túri qarastyrylǵan – standarttyq (jalpy paıdalanýǵa), mektep oqýshylaryna, stýdentterge jáne jeńildiqterge arnalǵan kartalar.
 
Kompanııa basshysy Serjan Aqylbaev jańa joba jaıly tolyǵyraq málimet berdi. Onyń aıtýynsha, kólik kartasynyń baǵasy 500 teńge. Jolaýshylar kólik kartasymen, SMS, QR-kod, smartfondy (NFC) qoldana otyryp, jol júrý aqysyn tóleı alady. Tólem kartalary qalada 3000-nan astam orynda, dúkende satylady. Kartany bankterdiń bankomattary arqyly, mobıldi qosymshalar arqyly toltyrýǵa bolady.
 
"QazSmartTrans" JShS-gi tarapynan 14 myń kólik karta Uly Otan Soǵysy ardagerleri men múgedekterine, tyl eńbekkerlerine (Eren eńbegi úshin medalimen marapattalǵandar) Batyr ana, Altyn alqa, Kúmis alqa tós belgilerimen marapattalǵandarǵa jáne I - toptaǵy kórý qabileti nashar zaǵıp jandarǵa tegin taratylady.
 
Búginde smartfon paıdalanýshylaryna arnalǵan "Open Shymkent" mobıldik qosymsha ázirlendi. Turǵyndarǵa tıisti málimet berý úshin 4 operatory bar CALL-ortalyǵy ashyldy (ortalyqtyń nómeri 8 775 811 2222).
Sońǵy jańalyqtar

Elordada 1700-den astam jumys orny quryldy

Aımaqtar • Búgin, 17:30

Aralda adasqan ańshy tabyldy

Aımaqtar • Búgin, 14:10

Nur-Sultanda kottedj órtenip jatyr

Oqıǵa • Búgin, 12:27

Uqsas jańalyqtar