Onyń aıtýynsha, Shymkent qalasynyń geoportaly – qalada ornalasqan árbir nysan týraly tolyq aqparat jınaqtalatyn arnaıy saıt bolady.
Atalǵan portaldy kezeń kezeńimen iske qosý josparlanyp otyr. Jyl sońyna deıin 1 kezeń iske qosylady dep kútilýde. Onda jer qatynastary salasyndaǵy kórsetiletin memlkettik qyzmetterdiń barlyǵy engizilip, tolyǵymen avtomattandyrylady. Iаǵnı qalanyń Bas jospary, jerge qatysty aqparattar, mekenjaı anyqtamasy qosylady.
Jalpy portal - qala aýmaǵyndaǵy nysandar men prosester týraly shynaıy jáne ózekti aqparatty jedel alýǵa múmkindik beredi. Joba aıasynda sáýlet jáne jer qatynastary salasynda kásipkerlik baǵytyndaǵy prosesterdi avtomattandyrý, qyzmet kórsetý sapasyn joǵarylatý jáne merzimin qysqartý josparlanýda.
Atap aıtqanda, sáýlet-josparlaý tapsyrmasyn jáne ınjenerlik kommýnıkasııalarǵa qosylýǵa arnalǵan tehnıkalyq sharttardy alý, olardy kelisý jáne qujattardy berý sekildi prosesterin geoaqparattyq servıs arqyly avtomattandyrý jumystary júrgiziletin bolady.
Servıs arqyly kez kelgen qala turǵyny (ınvestorlar, kásipkerler jáne t. b.) jer ýchaskesi týraly, onyń kadastrlyq quny, kepildik jarnasy, jer ýchaskesiniń ornalasqan jeri jáne ózge de aqparatty kóre alatyndaı etip ázirlenedi.
Sondaı-aq, nysannyń ornalasýy jáne sol aýmaqtyń damý baǵytyn kórý arqyly kásipkerler óz kásibin qandaı kólemde júrgizý kerektigin baǵamdaı alýyna múmkindik bar. Odan ózge, kásipker nemese ınvestordyń tehnıkalyq sharttardy daıyndaý jáne kelisý kezeńderinde óz ótinishin baqylaı alady.
Kásipkerlerdi qoldaýdy ońtaılandyrý maqsatynda gazben jabdyqtaý, elektr jáne sýmen jabdyqtaý, jylý júıesine qosý, baılanys jáne telekommýnıkasııa jelilerine qosýǵa arnalǵan tehnıkalyq sharttardy alý prosesteri jáne olardy kelisý, servıs arqyly "tehnıkalyq sharttar" qujatyn berý tolyǵymen avtomattandyrylady deıdi portaldy daıyndaýshy mamandar.
Atalǵan joba ashyqtyq negizinde jasalady. Tehnıkalyq sharttardy alýdyń merzimderin qysqartady, vedomstvoaralyq kelisý prosesin jeńildetedi.
