О́ner • 29 Qyrkúıek, 2020

«Astana Opera» qaıta jandandy

16 ret kórsetildi

«Astana Operanyń» segizinshi maýsymy ózgeshe formatta – Qazaqstan Respýblıkasy Bas memlekettik sanıtarlyq dárigeriniń qaýlysyna sáıkes 50 adam kelý múmkindigimen bas­taldy. Osyǵan jáne elimizdegi ózge de jaǵdaılarǵa baılanysty basshylyq aýdıtorııa aýqymyn keńeıtý ári jaqsartý maqsatymen teatrdyń ımıdjdik saıasatyn jańǵyrtýdy júzege asyrý týraly sheshim qabyldady.

Osy baǵyttaǵy alǵashqy qa­­dam teatrdyń jańa saıtyn, mobıldi qosymsha men teatr boıynsha vırtýaldy týrdy iske qosýdan bastaldy. Bul jóninde teatr dırektory, Qazaqstannyń eńbek sińirgen qaıratkeri Ǵalym Ahmedıarov:

– Zamanaýı tehnologııalar qarqyndy damý ústinde. Onyń mańyzyn, ásirese elimizdegi karantın tártibi tipti arttyryp jiberdi. Osyǵan oraı biz de kórermenderimizdiń qalaýyn eskerip, onlaın-rejimde bılet satyp alý ereksheligin pysyqtadyq. Saıtymyzdyń dızaınyn jeńil ári paıdalanýǵa yńǵaıly etip jasaýǵa tyrystyq. Aldymyzda eldegi ǵana emes, shetelde de baǵyt-baǵdar be­retin joǵary deńgeıdegi teatrdy kórsetý, sondaı-aq kó­rer­mendermen qatynasty je­ńildetý mindetteri turdy. So­nymen qatar Memleket basshysy Qasym-Jomart Toqaevtyń halyq aldyna mańyzdy mindet qoıǵanyn atap ótken jón – ol sıfrlandyrý salasyndaǵy jumysty jalǵastyrý. Prezıdenttiń aıtýynsha, sıfrlandyrý – sánge aınalǵan úrdiske ilesý emes, ulttyń básekege qabilettiligin arttyrýdyń negizgi quraly. «Astana Opera» bul baǵytta belsendi jumys júrgizýde, – dep atalǵan jobanyń mańyzyn atap ótti.

Jańa maýsymda, sondaı-aq teatrdyń mobıldi qosymshasy iske qosylǵanyn aıta ketken jón. Endi kórermenderdiń atal­ǵan qosymshany júktep alyp, spek­taklderge bıletti jyldam tańdaýy men satyp alýyna, eksklıýzıvti kontentke qol jetkizýine jáne premeralar men súıikti ártisteriniń óner kórsetýleri týraly birinshi bolyp bilýlerine múmkindikteri bar.

Tehnologııanyń basty ser­pilisi – City360.kz jobasy ar­qyly Astana Business Campus baǵ­darlamasy aıasynda Nazarbaev Ýnıversıtetiniń qoldaýymen júzege asyrylǵan VR-týr vırtýaldy ómirdiń jańa saıtyn engizý boldy. Endi «Astana Operanyń» kórermenderi álem teatrlarynyń ishinde alǵashqylardyń biri bolyp saıtqa kirýge, bılet satyp alǵanǵa deıin kórermen zalynan oryn tańdaýǵa jáne naqty sol orynnan sahnadaǵy qoıylymdy kórý qalaı bolatyndyǵyn bile alady. Bul – qalaýy bar kez kelgen adamǵa teatr ishinde «serýendeýine», teatrdyń ádemi ıntererinen lázzat alyp, mýzeıdegi eksponat­tardy zerdeleýine, sonymen qa­tar teatrdyń foto jáne beıne­materıal­daryn tamashalaýyna múmkindik beredi.

 

Sońǵy jańalyqtar

Almatyda jer silkindi

Qazaqstan • Búgin, 16:48

Bıyl Qazaqstanda qys qandaı bolady?

Aýa raıy • Búgin, 16:37

Medeý men Shymbulaq qashan ashylady?

Aımaqtar • Búgin, 15:58

Elengen erlik

Aımaqtar • Búgin, 13:22

Qarashada kún sýytady

Aýa raıy • Búgin, 11:59

Shyǵys Qazaqstanda qus tumaýy tirkeldi

Aımaqtar • Búgin, 11:36

Dollardyń búgingi baǵamy belgili boldy

Ekonomıka • Búgin, 11:22

Uqsas jańalyqtar