Qazaqstan • 30 Qyrkúıek, 2020

Ishki ister mınıstri karantın erejesin óreskel buzǵandar týraly aıtty

13 ret kórsetildi

Ishki ister mınıstri Erlan Turǵymbaev elimizde karantın erejesin óreskel buzý deregi kóbeıgenin aıtty, dep habarlaıdy Egemen.kz

nyń aıtýynsha, karantın talabyn buzýdyń 28 myńnan asa deregi tirkelgen.

"Onyń ishinde 4 600 derek dúkender men bazarlarda, 1 700 derek meıramhanalarmen jáne taǵy basqa nysandarda tirkeldi. Karantın talabyn buzýdyń basym bóligi Qostanaı oblysy (5 myńnan asa derek), Batys Qazaqstan oblysy (2,5 myńnan asa derek), Túrkistan oblysy (3,5 myńnan asa derek), Shyǵys Qazaqstan oblysy (2 myńnan asa derek), Almaty qalasynda (3 800 asa derek) baıqaldy. Anyqtalǵan fakt boıynsha densaýlyq saqtaý organy tarapynan sanıtarııalyq talapty buzǵany úshin ákimshilik hattama toltyrylady", - deıdi mınıstr Úkimet otyrysynda.

Sonymen qatar, Erlan Turǵymbaev ishki ister mınıstrligi tótenshe jaǵdaı kezinde karantın talabyn buzǵandar QR Ákimshilik quqyq buzýshylyq týraly kodeksiniń 476, 478-baptary boıynsha jaýapqa tartylǵanyn atap ótti. Ol tótenshe jaǵdaı rejımi alynǵannan keıin zań buzǵandardy jazaǵa densaýlyq saqtaý mınıstrligi tartatynyn aıtty.

"Polısııa qyzmetkerleri qoǵamdyq tártipti baqylaý kezinde karantın talabyn óreskel buzýdyń 15 mynnan asa deregin anyqtady. Bul toı jasaý, qoshtasý rásimin ótkizýdiń 600 deregi, demalys aımaǵynyń jumys isteýiniń 1 myńnan asa deregi, onyń ishinde sý qoımalary mańynda shomylý deregi de bar", dedi Turǵymbaev.

Sondaı-aq, mınıstr 26-27 qyrkúıekte elimizde 41 toı ótkizýdiń deregi tirkelgenin jetkizdi.

"Mysaly, Qyzylorda oblysyndaǵy "Orda" meıramhanasynda 100-den asa adamnyń qatysýymen toı ótkizý deregi tirkeldi. Bul óńirde karantın talabyn kúsheıtilgennen beri osyndaı 225 derek anyqtaldy. 25-26 qyrkúıekte elordada jumys istegen 4 túngi klýb anyqtaldy. Tekseris barysynda túngi klýbtyń birinde 60 adam boldy. Olardyń bári ákimshilik jaýapkershilikke tartyldy. Osyǵan uqsas jumys Almatyda júrgizildi, 5 túngi klýb jabyldy. Sharany uıymdastyrǵandar jaýapqa tartyldy", deıdi ol.

Sonymen qatar, Erlan Turǵymbaev maska taqpaýdyń 11 800 deregi anyqtalǵanyn, bul derek boıynsha ákimshilik is qozǵalatynyn jetkizdi.

Sońǵy jańalyqtar

Almatyda jer silkindi

Qazaqstan • Búgin, 16:48

Bıyl Qazaqstanda qys qandaı bolady?

Aýa raıy • Búgin, 16:37

Medeý men Shymbulaq qashan ashylady?

Aımaqtar • Búgin, 15:58

Elengen erlik

Aımaqtar • Búgin, 13:22

Qarashada kún sýytady

Aýa raıy • Búgin, 11:59

Shyǵys Qazaqstanda qus tumaýy tirkeldi

Aımaqtar • Búgin, 11:36

Dollardyń búgingi baǵamy belgili boldy

Ekonomıka • Búgin, 11:22

Uqsas jańalyqtar