Qoǵam • 30 Qyrkúıek, 2020

Elimizde túrmedegi ár adamǵa jylyna 1,1 mln teńge bólinedi

25 ret kórsetildi

Qazaqstanda kúnkóris mınımýmy bıyl 32 668 teńge bolyp bekitilgen. Iаǵnı, kez kelgen adam aıyna osyndaı aqshamen ómir súre alady degen sóz. Al sottalyp, jazasyn ótep jatqan ár azamatqa jylyna 1 mıllıon 121 myń teńge bólinedi. Ony 12 aıǵa shaqqanda 93 416,6 teńgeden keledi. Iаǵnı, memleket qylmys jasaǵan azamatty qamtý úshin osynsha aqsha shyǵyndaıdy. Sondyqtan bolar, kolonııada otyrǵandardyń 64 paıyzy eki retten kóp sottalǵan, dep habarlaıdy Egemen.kz tengrinews.kz saıtyna silteme jasap.

Osydan eki jyl buryn ár sottalǵanǵa jylyna 876,9 myń teńge bólinetin. Qazir shamamen 245 myńǵa kóterilgen. Al eldegi kúnkóris mınımýmy eki jyl buryn 29 146 teńge bolǵan.

Sottalǵan bir adamǵa jáne tergeý-qamaýǵa alynǵan adamǵa jylyna 1 mıllıon 121 myń teńge bólinedi. Onyń ishinde, sottalǵannyń tamaǵyna 241 000 teńge, kıim men tósek-oryn úshin 33 712 teńge jumsalady. Sottalǵandarǵa, kúdikti jáne kinálilerge bólinetin shyǵyndardyń somasyna jeke quramnyń 12 104 qyzmetshisin kútý shyǵyny da kiredi.

Bir qaraǵanda sottalǵandardyń ómiri "keremet" bolyp kórinedi. Sebebi kıimi daıyn, tamaǵy pisip tur. Basqa ne kerek? Degenmen Qylmystyq-atqarý júıesi olardy jazasyn ótegennen bólek, eńbek etýge, bilim alýǵa, kásip meńgerip, bostandyqqa shyqqan soń qalypty ómirge beıimdelýi úshin atsalysyp jatyr.

Máselen, qylmystyq-atqarý júıesiniń energo, jylý, sýmen jabdyqtalýyn, óndiris-tehnıkalyq maqsattaǵy (jumystar, taýarlar) jáne halyq tutynatyn taýarlardy shyǵarý, sottalǵandardyń tamaǵyn daıyndaý, azyq-túlik ákelý sottalǵandardyń moınyna júktelgen.

"Sondaı-aq jeńil ónerkásippen de aınalysady. QAJ qyzmetkerleri úshin forma, múlki jáne sottalǵandardyń tósek-jabdyǵyn tigedi. Metall jáne aǵash óńdeý, qurylys materıaldaryn shyǵarýmen t.b. aınalysady", - deıdi QAJ komıtetiniń baspasóz qyzmetindegiler.

Osydan keıin kóbine qaı jastaǵy azamattar sottalady jáne olardyń áleýmettik portreti qandaı degen zańdy saýal týyndaıdy. Olardyń ishinde 20-40 jas aralyǵynda (77 paıyz) úılenbegen er adamdar 77 paıyz eken. Al 95 paıyzynyń joǵary bilimi joq jáne 90 paıyzy sottalǵanǵa deıin jumys istemegen. Kolonııa rejımine baǵynbaıtyndar 63 paıyz bolsa, sottalǵandardyń 64 paıyzy eki retten artyq kolonııaǵa oralǵan.

"Aýyr jáne asa aýyr qylmys úshin sottalǵandar 95 paıyz, zorlyq-zombylyq minez-qulqy bar 77 paıyz, qylmystyq top, ekstremıstik jáne terrorıstik uıymdardyń basshylary jáne qatysýshylary - 7 (9) paıyz", - delingen QAJ komıtetiniń resmı jaýabynda.

35 adam adam óltirgeni úshin, 13-i zorlyq jasaǵany úshin (7 adam - kámelet jasyna tolmaǵan balany qasaqana zorlaý, 6 adam - toppen zorlaý) jazasyn ótep jatyr.

"Al 62 sottalǵannyń (77 paıyzy) tólem talaby bar, olardyń tek 22-si (35 paıyzy) tóleıdi. О́telýi tıis talaptyń jalpy somasy - 590 mıllıon teńge. Tólengen soma 56 mıllıon teńge (9 paıyz). 12 sottalǵanǵa (15 paıyz) sot májbúrli túrde alkogolızmnen, narkomanııadan emdeý týraly qaýly shyǵarǵan", deıdi vedomstvodaǵylar.

Qansha kútim bolǵanyna qaramastan, sottalǵandar da shaǵymdanady. Sebebi olardyń da azamattyq quqy bar.

 

Sońǵy jańalyqtar

Atyraýda 9 balany ıt talady

Aımaqtar • Keshe

Taraz qalasynda gaz qubyry jaryldy

Aımaqtar • 23 Qazan, 2020

Syrda kúrishten rekordtyq ónim jınaldy

Aımaqtar • 23 Qazan, 2020

Qazaqstanda sýdıalardyń jalaqysy qansha?

Qazaqstan • 23 Qazan, 2020

Elimizde jańbyr jaýyp, sońy qarǵa ulasady

Aýa raıy • 23 Qazan, 2020

Shyǵysta eki azamat zańsyz balyq aýlaǵan

Aımaqtar • 23 Qazan, 2020

Uqsas jańalyqtar