Parlament • 30 Qyrkúıek, 2020

Májilis bilim berý máselesine qatysty zań jobasyn maquldady

9 ret kórsetildi

Búgin Májilis Spıkeri Nurlan Nyǵmatýlınniń tóraǵalyǵymen Palatanyń jalpy otyrysy ótti. Onda depýtattardyń bastamasymen ázirlengen bilim berý máseleleri boıynsha zań jobasy birinshi oqylymda maquldandy, dep habarlaıdy Egemen.kz Májilistiń baspasóz qyzmetine silteme jasap.

Depýtattar ázirlegen ózgerister bilim berý prosesin odan ári jetildirýge, onyń ishinde bilim berý jetistikteriniń monıtorıngin júzege asyrýǵa baǵyttalǵan. Osyǵan baılanysty usynylǵan bilim berý jetistikterin baqylaýdyń qazirgi bilim jetistikterin syrttaı baǵalaýdan aıyrmashylyǵy týraly másele kóterildi.

"Menińshe, bul suraqty áli de qarastyrý qajet. Sebebi, bilim salasy ol - eldiń bolashaǵy. Sondyqtan, bul salada barlyq jańalyqtar óz ýaqytynda jedel qolǵa alynyp otyr. Mysaly, eki jyl buryn ǵana Zań boıynsha joǵary oqý oryndaryna akademııalyq jáne basqarýshylyq erkindik berildi. Sonymen birge, kelesi jyldan bastap jeke dıplom berý de qolǵa alynatyn bolady. Osynyń barlyǵy, oqý oryndarynyń zamanǵa saı, erkin, ashyq jáne sapaly jumys jasaýy úshin jasalyp otyrǵan qadamdar", - dedi Nurlan Nyǵmatýlın.

Sonymen qatar, Májilis Tóraǵasy 2021 jyldan bastap joǵary oqý oryndary jeke úlgidegi dıplomdardy bere bastaıtynyn aıtyp, zań júzinde joǵary oqý oryndaryna bilim berý qyzmetinde tolyq derbestik berilgenine toqtaldy.

"Eger solaı bolsa, onda bilim sapasy úshin jaýapkershilik joǵary oqý oryndarynyń ózderine júkteledi, - dedi N.Nyǵmatýlın.

Sondaı-aq, Májilis Tóraǵasynyń pikirinshe, JOO-nyń derbestigi - bul dıplomdarǵa mór basý múmkindigi dep oılamaý kerek. Osy rette Palata Spıkeri: - Árbir JOO ózderi bergen dıplomyn baǵalaı bilýi kerek. Osyǵan baılanysty joǵary oqý oryndarynda bilim berý jetistikterine monıtorıng júrgizý qanshalyqty oryndy degen suraq týyndaıdy? Onyń ústine, bul monıtorıng qandaı da bir JOO-nyń bilim berý baǵdarlamalarynyń sapasy týraly eshqandaı túsinik bermeıdi. Taǵy bir aıta ketetin jaǵdaı, bilim berý qyzmetin baqylaý kerek. Endi ýnıversıtetter baqylaýsyz qalýy múmkin degen jalǵan pikir qalyptaspaýy kerek, - dedi.

Májilis Tóraǵasy atap ótkendeı, mundaı baqylaý bar - kásipkerlik sýbektileri retinde barlyq joǵary oqý oryndaryna baqylaý Kásipkerlik kodekske sáıkes júzege asyrylady.

Nurlan Nyǵmatýlınniń aıtýynsha, Bilim mınıstrligi Bas prokýratýranyń Quqyqtyq statıstıka ortalyǵy arqyly naryq sýbektisi retinde kirip, qaraı alady. Sonymen qatar, barlyq JOO-lar qazir naryq sýbektileri bolyp tabylady jáne biliktilik talaptaryna, bilim berý standarttaryna saı keledi. Bul ýákiletti organǵa, ıaǵnı Bilim mınıstrligine joǵary oqý oryndarynyń bilim berý qyzmetin tereńirek taldaýǵa jáne olarǵa tıisti baǵa berýge múmkindik beredi. Osyǵan sáıkes, Májilis Tóraǵasy ekinshi oqylymǵa deıin ázirleýshilermen birge jumys tobyna osy máseleni muqııat qarastyrýdy tapsyratynyn aıtty.

Sonymen qatar, búgingi otyrysta Palata «Qazaqstan Respýblıkasynyń Memlekettik shekarasy týraly» Qazaqstan Respýblıkasynyń Zańyna ózgerister men tolyqtyrýlar engizý týraly» Zań jobasyn ekinshi oqylymda maquldady. Qujatta Ulttyq qaýipsizdik organdarynyń qyzmetkerlerin áskerı qyzmetshiler sanatyna aýystyrý jáne Ulttyq qaýipsizdik komıtetiniń jekelegen bólimshelerin Ulttyq qaýipsizdik komıtetiniń áskerı quramalaryna qaıta qurý múmkindigi kózdelgen.

Ulttyq qaýipsizdik komıtetiniń vedomstvosy mártebesin bere otyryp, avıasııany Shekara qyzmetinen shyǵarýdy kózdeıtin túzetýler engizý usynylady. Sondaı-aq, Ulttyq qaýipsizdik organdarynyń oqý oryndaryn ıntegrasııalaý jáne kadrlar daıarlaý sapasyn arttyrý úshin zań jobasynda Shekara qyzmeti akademııasyn Ulttyq qaýipsizdik komıtetiniń qaramaǵyna berý qarastyrylǵan. Búgingi jalpy otyrysta depýtattar Qazaqstan men Belarýs arasyndaǵy kóshi-qon salasyndaǵy yntymaqtastyq týraly Kelisimdi ratıfıkasııalaý týraly zań jobasyn maquldady. Bul Kelisim Taraptar memleketteriniń kóshi-qon zańnamasy týraly, onyń ishinde kóshi-qon prosesterin retteý, qos azamattyq faktileriniń jolyn kesý, zańsyz kóshi-qonǵa qarsy kúresti uıymdastyrý, sondaı-aq zańnamanyń kórsetilgen salalaryndaǵy ózgerister týraly almasýdy júzege asyrý úshin qolaıly jaǵdaılar jasaýdy kózdeıdi.

Sonymen qatar, búgin Palatanyń beıindi komıteti Eýrazııalyq ekonomıkalyq odaq týraly shartqa ózgerister engizý týraly hattamany ratıfıkasııalaý týraly zań jobasyn jumysqa aldy. Otyrys sońynda Májilis depýtattary memlekettik organdar basshylaryna depýtattyq saýaldar joldady. Olar: N. Jumadildaeva, N. Sabılıanov, A.Perýashev, Q. Erjan, K. Absatırov, T. Syzdyqov, Á. Bekturǵanov, A. Jamalov, M. Pishembaev, B. Dúısenbınov, Sh. Nýrýmov, E. Nıkıtınskaıa, D. Myńbaı, A. Nurkına, N. Áshimbetov.

Sońǵy jańalyqtar

Taraz qalasynda nan qymbattaǵan

Aımaqtar • Búgin, 19:15

Dollardyń erteńgi baǵamy qandaı bolmaq?

Ekonomıka • Búgin, 18:25

Almatydaǵy avtoservıs otqa orandy

Aımaqtar • Búgin, 15:33

Joǵalǵan bala 12 saǵatta tabyldy

Aımaqtar • Búgin, 14:38

Karantınniń kezinde kókpar tartqan

Aımaqtar • Búgin, 12:30

Bos jatqan 665 myń gektar jer anyqtaldy

Aımaqtar • Búgin, 12:10

Dollardyń baǵasy kún sanap ósip keledi

Ekonomıka • Búgin, 11:30

Uqsas jańalyqtar