Qarasha aıynyń 29-ynda Sankt-Peterbýrgte (Reseı) «Qazirgi álemdegi ıadrolyq qaýipsizdik. Iаdrolyq qarýsyzdaný jáne taratpaý úderisterinde parlamentarıılerdiń róli» taqyrybynda halyqaralyq konferensııa ótedi.
Qarasha aıynyń 29-ynda Sankt-Peterbýrgte (Reseı) «Qazirgi álemdegi ıadrolyq qaýipsizdik. Iаdrolyq qarýsyzdaný jáne taratpaý úderisterinde parlamentarıılerdiń róli» taqyrybynda halyqaralyq konferensııa ótedi.
Oǵan uıytqy bolǵan Qazaqstan Parlamenti Májilisi men TMD-ǵa qatysýshy memleketter Parlamentaralyq Assambleıasy. Keshe Májiliste palata Spıkeri Nurlan Nyǵmatýlınniń tóraǵalyǵymen uıymdastyrý komıtetiniń jıyny ótip, qatysýshylar forýmnyń kún tártibine qatysty usynystardy qarap, olardyń ótkizilý jaǵdaılaryn saraptady.
Konferensııa baǵdarlamasynda jahandyq qaýipsizdik, ıadrolyq qarýdyń zańsyz aınalymyna jáne óndirisine jol bermeý, ıadrolyq materıaldarǵa senimdi baqylaýdy qamtamasyz etý, taratpaý, basqa da is-áreketterde parlamentarıılerdiń úlesi syndy jáne basqa da taqyryptardy qamtý kózdelip otyr.
Uıymdastyrý komıteti múshelerine sózin arnaǵan Nurlan Nyǵmatýlın: «Bul konferensııanyń biz úshin mańyzy óte zor. Sebebi, halyqaralyq parlamentshilerdiń erekshe nazarynda taǵy da Elbasymyz Nursultan Ábishuly Nazarbaevtyń ıadrolyq qaýipsizdik jolyndaǵy álemdik bastamalary bolady», dedi.
Jınalǵandar bul sharanyń ıadrolyq qaýipti joıý jáne ıadrosyz álem qurý jolynda kúsh biriktirýde jańa qadamdar jasaýǵa zor úles qosatynyna senimdi, dep habarlady Parlament Májilisiniń baspasóz qyzmeti.
