Qazaqstan Prezıdenti janyndaǵy Memlekettik basqarý akademııasynda Syrtqy ister mınıstri Erlan Ydyrysov akademııa magıstranttary men doktoranttary jáne professorlyq oqytýshylar quramy aldynda «Qazaqstan Respýblıkasy syrtqy saıasatynyń basymdyqtary» taqyrybynda dáris oqydy.
Qazaqstan Prezıdenti janyndaǵy Memlekettik basqarý akademııasynda Syrtqy ister mınıstri Erlan Ydyrysov akademııa magıstranttary men doktoranttary jáne professorlyq oqytýshylar quramy aldynda «Qazaqstan Respýblıkasy syrtqy saıasatynyń basymdyqtary» taqyrybynda dáris oqydy.
Kezdesýdi ashqan akademııa rektory Bolatbek Ábdirásilov Syrtqy ister mınıstrligimen dıplomatııalyq kadrlardy daıarlaý, tájirıbe almasý, arnaıy baǵdarlamalar negizinde biliktilikti arttyrý yntymaqtastyqtyń basym baǵyttarynyń biri ekenin atap óte kele, qos tarap arasyndaǵy baılanysqa toqtaldy. Bul kúni áriptestik tetigin odan ári nyǵaıtý maqsatynda qol qoıylǵan memorandým da osyny aıǵaqtaı tústi.
Syrtqy saıasat vedomstvosynyń basshysy óz sózinde Qazaqstannyń syrtqy saıasattaǵy mindetteri, mınıstrlik júrgizip otyrǵan negizgi is-sharalar jaıyn tizbelep berdi. «Bizge, basqa da memleketter sekildi kórshi eldermen qarym-qatynasymyzdy jandandyrý mańyzdy ustanym bolyp qala bermek. Qazaqstan shekaralas memlekettermen óz qarym-qatynasyn árdaıym bekite túskendi qalaıdy. Bul rette Reseı Federasııasymen áriptestikti negizgi orynǵa qoıýǵa bolady. Bizdiń Ortalyq Azııa elderimen ekonomıkalyq yntymaqtastyqty damytýymyz ózekti Batys, Eýropa, Azııa elderimen syrtqy saıası baılanysqa da elimiz aıryqsha mán berip keledi», dedi E.Ydyrysov. Onyń aıtýynsha, Qazaqstan syrtqy saıasattyń basqa baǵyttaryn da nazarda ustap otyr. «Afrıka jáne Latyn Amerıkasy elderimen júrgizilip kele jatqan yntymaqtastyq qarqyny da osyny ańǵarta alady», dedi mınıstr bul oraıda.
Dáris aıasynda Erlan Ydyrysov akademııa magıstranttary men doktoranttarynyń Irannyń ıadrolyq baǵdarlamasyna qatysty Qazaqstannyń ustanymy, transshekaralyq ózender jaıy, elimizdiń Eýropalyq Odaqpen yntymaqtastyǵy sekildi san salaly máseleler tóńireginde qoıǵan saýaldaryna jaýap berdi.
Kezdesý sońynda Bolatbek Ábdirásilov Syrtqy ister mınıstrine dıplomatııa ınstıtýtynyń damýyna jáne kásibı kadrlardy daıarlaýǵa qosqan úlesi úshin Memlekettik basqarý akademııasynyń qurmetti professory ataǵyn berý týraly dıplomdy tabys etti.
Láıla EDILQYZY,
«Egemen Qazaqstan».
