Búgingi kúni derbestiktiń kók týy jelbirep, talaı ıgi bastamalarymen aıdaı álemdi tamsandyrǵan azat elimiz jyl sanap ósip-órkendep, olqylyqtardyń ornyn artyǵymen toltyryp jatyr. Aıtalyq, alǵashqy jyldary toqyraýǵa ushyraǵan jergilikti kásipkerlerimiz, sharýa qojalyqtarymyz búginde biraz qor jınap, tyndyrymdy tirlikter atqaryp, eńselerin tikteı tústi. Biz búginde óz kásibin dóńgeletip otyrǵan Álibek Sartaev jóninde áńgime qozǵaýdy jón kórgen edik.
Búgingi kúni derbestiktiń kók týy jelbirep, talaı ıgi bastamalarymen aıdaı álemdi tamsandyrǵan azat elimiz jyl sanap ósip-órkendep, olqylyqtardyń ornyn artyǵymen toltyryp jatyr. Aıtalyq, alǵashqy jyldary toqyraýǵa ushyraǵan jergilikti kásipkerlerimiz, sharýa qojalyqtarymyz búginde biraz qor jınap, tyndyrymdy tirlikter atqaryp, eńselerin tikteı tústi. Biz búginde óz kásibin dóńgeletip otyrǵan Álibek Sartaev jóninde áńgime qozǵaýdy jón kórgen edik.
Álibek Sartaev ómir boıy adal nıetimen, isimen qoǵamǵa qyzmet etip keledi. О́zin eki qolǵa bir kúrek taba almaıtyndardyń qataryna jatqyzbaǵan ol qur jatpaı sharýasyn dóńgeletýde. Eń aldymen Álibek úıiniń janynan dóńgelek jóndeý sheberhanasyn ashty. Keıin isi alǵa basyp, ortalyqtan shaǵyn ǵımarat salyp, zaman talabyna saı jańa qondyrǵylardy satyp aldy. Búginde dóńgelek jóndeý orny aýyl ortalyǵynyń M.Mámetova kóshesinde ornalasqan.
Búgingi damyǵan zamanda avtokóliktiń túr-túrin kórýge bolady. Osyǵan oraı avtokólikterge qyzmet kórsetetin oryndar da ashylýda. О́tkendi eske túsirer bolsaq, avtokólik jóndeý beketterin tek qaladan kóretinbiz. Al aýylda dóńgelek jóndeý sheberhanasyn kórý qıynǵa soǵatyn. Kóliktiń «tili men ishek-baýyryn» túsinetin azamattar úıiniń janyndaǵy garajdarynan ony-munysyn jóndep alatyn. Al qazir aýylda bir-eki jerde servıstik qyzmet kórsetý ortalyqtary ashylyp, kólik ıeleriniń kózi ashyldy. Mamandar aqysyna qaraı temir tulparlardyń aqaýyn lezde taýyp beretin jaǵdaıǵa jetti. Bul orynda avtokólik dóńgelegine túrli qyzmet kórsetiledi. Dóńgelekti ashyp-jabý, bosatyp alý, úrleý sekildi jumystar jańa úlgidegi qurylǵylarmen jasalady. Sonymen qatar dóńgelek kameralaryn jelimdeý, qysymyn ólsheý qyzmeti de bar.
– Kúnnen kúnge kólikterdiń sany artyp keledi. Aýyldyń ishinde qansha kólik baryn sanamalaýdyń ózi artyq. Kólikterdiń dóńgelekterin jóndeý halyq úshin birden-bir qajet dep esepteımin, – deıdi jeke kásipker Álibek.
Qashanda qyzý jumystyń ortasyndaǵy Álaqań dóńgelek jóndeý ǵımaratyn keńeıtip, jylý júrgizip, jylytý qazandyǵyn bólek shyǵarǵan. Búgingi tańda dóńgelek jóndeý emes, avtokólikterdiń aqaýyn qaraıtyn sehy da jumys jasap tur. Sonymen qatar osy sheberhanasynyń janynan avtobólshekter satýdy qolǵa alǵan. Avtobólshekterdi sonaý Reseıdiń Tolıattı qalasynan alyp, sapasyna kóńil aýdaryp, tıimdi baǵamen satýda.
Álibek Sartaev óz qarajaty esebinen bolashaqta avtokólik jýý, aǵash joný sheberhanasyn ashý josparda bar ekenin, onyń barlyq qurylys materıaldary daıyn ekenin aıtqan edi.
– Avtokólikterdiń dóńgelekterin jóndeýde Aıbek Batyrovtyń eńbegi zor. Tutynýshylardan eshqandaı eskertý alyp kórgen emes. Bul jumystar ekiniń biriniń qolynan kele bermeıdi, – deıdi Álaqań bizben áńgimesinde.
Talaby zor kásipker aǵamyzdyń kásibi alǵa júrer bolsa, osy jerge kóligimizdiń aqaýyn jóndeýge, kóligimizdi jýýǵa talaı kelermiz.
Turarbek AQMÝRZIN.
