"Agenttik jeńil relsti jobany iske asyrý kezinde 5,8 mıllıard teńgeni urlaý faktisi boıynsha elorda ákimdiginiń, "Astana LRT" JShS-niń laýazymdy tulǵalaryna qatysty qylmystyq isti aıaqtap, sotqa jiberdi. Jeti adam sotqa tartyldy", deıdi Bıǵaıdarov.
Ol kinálilerdiń jazasy týraly sońǵy sheshimdi sot anyqtaıtynyn atap ótti. Aıta keterligi, tergeý múddelerine qatysty basqa aqparat jarııa etilmedi.
Buǵan deıin Sybaılas jemqorlyqqa qarsy qyzmet LRT-niń birinshi kezeńin salý kezinde aqsha jymqyrý faktisi boıynsha qylmystyq isti tergeý aıaqtalǵanyn da habarlaǵan. Tergeý barysynda mıllıardtaǵan dollar jymqyrý shemalary anyqtalǵan edi. Quzyrly organdardyń málimetinshe atalmysh iske elorda ákimdigi, "Astana LRT" kompanııasynyń sheneýnikteri jáne jeke kompanııalardyń dırektorlarynyń qatysy bar bolyp shyqqan bolatyn.
Izdeýdegiler tizimine elorda ákiminiń burynǵy orynbasary Qanat Sultanbekov, "Astana LRT" kompanııasynyń burynǵy basshysy Talǵat Ardan jáne merdigerlik uıym jetekshileriniń biri Abdýhamıtov engizildi.
Al osyǵan deıin qalalyq máslıhat hatshysy Janat Nurpeıisovtiń qamaýǵa alynǵany týraly habarlanǵan.
Eske salaıyq, tergeý málimetteri boıynsha qylmystyq shemany Astana qalasy ákiminiń orynbasary Sultanbekov pen "Astana LRT" kompanııasynyń basshysy Ardan sheteldik jáne qazaqstandyq kompanııalardyń qatysýymen uıymdastyrǵan.
