Batyr baba rýhyna arnaldy

Elordadaǵy Mahambet О́temisuly atyndaǵy oqýshylar saraıynda «Biz – Mahambet urpaǵymyz» atty qalalyq baıqaýda top jarǵan jeńimpazdar men júldegerlerdi marapattaý rásimi ótti. Bul baıqaý oqýshylar saraıy­na batyr, aqyn babamyzdyń aty berilgenine 10 jyl tolýy qurmetine oraılastyrylypty.

Elordadaǵy Mahambet О́temisuly atyndaǵy oqýshylar saraıynda «Biz – Mahambet urpaǵymyz» atty qalalyq baıqaýda top jarǵan jeńimpazdar men júldegerlerdi marapattaý rásimi ótti. Bul baıqaý oqýshylar saraıy­na batyr, aqyn babamyzdyń aty berilgenine 10 jyl tolýy qurmetine oraılastyrylypty.

Úsh nomınasııa boıynsha ótkizil­gen baıqaýdyń «Babadan qalǵan urpaqpyz» synynda 37 oqýshy aqyn ómirinen prozalyq janrda shyǵarma, esse jazyp, óz baqtaryn synady. Nátıjesinde birinshi oryndy №40 orta mektep oqýshysy Baǵnur Meırambekov ıelendi. Ekin­shi júldeni №6 mektep gımnazııa oqýshysy Aıym Meńdibaeva men №38 mektep lıseıiniń oqýshysy Eldar Bitibaev ózara bólisse, úshinshi syılyqqa №20 orta mektebiniń oqýshysy Maral Nurahmetova men №1 mektep lıseıiniń oqýshysy Karına Smaǵulova laıyq dep tanyldy.

«Babadan qalǵan naqyl sóz» nomınasııasynda 75 talapker aqyn óleńderin jatqa aıtyp synǵa tússe, olardyń ishinde №48 mektep gımnazııasynyń oqýshysy Raýan Ábdýalıdyń baǵy janyp, bas júldeni ıelendi. Birinshi oryn №67 mektep lıseıiniń oqýshysy Nurbol Kókenovke buıyrdy. Al ekinshi oryndy №21 orta mektep oqýshysy Zarına Ahmetova men №40 orta mektep oqýshysy Nurmuhammed Járdembek enshilese, úshinshi júldelerdi№56 mektep lıseıiniń oqýshysy Toǵ­jan Orazaeva men №4 mektep gımnazııasynyń oqýshysy Zúlfaıdar Muhammed ıelendi.

«Batyrǵa arnaý» sharty da talap­kerlerdiń talpynysyn kúsheıtkendeı. Munda 35 úmitker – jas aqyndar poezııalyq janrda Mahambet batyrǵa arnaǵan júrekjardy óleńderin usyndy. Bul synda №69 mektep gımnazııa oqýshysy Tańnur Albolsyn birinshi oryn ıegeri atansa, ekinshi oryndy №40 mektep oqýshysy Eldos Ánikeı ıelendi. Úshinshi orynǵa taǵaıyndalǵan júldeni №4 mektep gımnazııa oqýshysy Ińkár Qajybek pen №65 mektep gımnazııa oqýshysy Sanjar Tamenov oljalady. Sonymen qatar, baıqaýǵa qatysqan birqatar órender arnaıy dıplomdarmen marapattaldy.

Baıqaý jeńimpazdarynyń úzdik shyǵarmalary «Batyr babam Mahambet» atty jınaqta jarııa­lanbaq.

Ábdirahman QYDYRBEK,

«Egemen Qazaqstan».