Qazaq valsiniń koroli Shámshi Qaldaıaqov pen belgili kúıshi Nurǵısa Tilendıevtiń mereıtoılaryna oraı qazannyń 9-y kúni ótetin «Júregim meniń» án keshinde Dına Hamzına, Azamat Jyltyrgózov, Janat Shybyqbaev, Alfııa Karımova, Aızada Qaponova, Talǵat Ǵaleev, Meıi Baınesh, Bıbigúl Januzaq, Mádına Islamova, Saltanat Muratbekova, Tatıana Vısınskaıa, Beıimbet Tańaryqov sııaqty taǵy da basqa tanymal óner sheberleri qatysýymen kompozıtorlardyń «Altyn qordaǵy» jaýhar týyndylary oryndalady.
Baǵdarlama boıynsha sondaı-aq «Dolce» skrıpkashylar ansambli men teatrdyń balalar stýdııasynyń jas ártisteri óner kórsetedi. (Jetekshisi – Altynǵanym Ahmetova, konsertmeısterleri – Raýshan Beskembırova, Janar Ahmetova, Irına Kýrgýzkına).
Balalarǵa arnalǵan «Ishekti aspaptar otbasy» konserti qazannyń 11-ine josparlanyp otyr. Munda mýzykalyq shyǵarmalarmen qatar, «Astana Opera» orkestriniń ártisteri men mýzykatanýshy Sáýle Máýletova balaýsa tyńdarmandarǵa ishekti aspaptar úni men uly kompozıtorlardyń shyǵarmalary týraly aıtyp beredi.
Qazan aıy munan da basqa tyń jobalarǵa toly. «Qazaqkonsert shaqyrady» toptamasynan elordalyq ánqumar qaýym nazaryna Ǵ. Jubanova atyndaǵy Memlekettik ishekti aspaptar kvarteti oryndaýynda «Bethovenge tartý», teatrdyń talantty jas solısteri, kóptegen aıtýly halyqaralyq baıqaýlardyń laýreattary qatysýymen «Astana Operanyń» jańa esimderi atty mádenı sharalar usynylmaq.
Soprano Nazym Saǵyntaı Dj.Verdıdiń «Trýbadýr» operasynan – Leonoranyń, Dj.Pýchchınıdiń «Madam Batterflıaı» operasynan – Chıo-Chıo-sannyń, messo-soprano Malıka Mınızını P.Chaıkovskııdiń «Evgenıı Onegın» operasynan – Olganyń, Sh.Gýnonyń «Faýst» operasynan Zıbeldiń arııalaryn shyrqaıdy. Tenor Ramzat Balakıshıev J.Massneniń «Verter» operasynan –Verterdiń arıozosyn jáne K.Pepolıdiń óleńine jazylǵan Dj.Rossınıdiń –Neopolıtan tarantellasyn, barıton Erjan Saıypov V.A.Mosarttyń osy attas operasynan – Don Jýannyń, P.Chaıkovskııdiń «Evgenıı Onegın» operasynan Onegınniń arııalaryn, al bas daýysty Shyńǵys Rasylhan qazaqtyń halyq áni «Qaratorǵaıdy», Dj. Rossınıdiń «Sevıl shashtarazy» operasynan Don Bazılıonyń arııasyn oryndaıdy.
Sondaı-aq G.Donısettıdiń «Don Paskýale» operasynan – Malatesta men Don Paskýaleniń, Dj.Pýchchınıdiń «Bogema» operasynan Rýdolf pen Mımıdiń jarqyn dýetteri mýzykalyq keshtiń árin kirgizetin bolady, E. de Kýrtıstiń – «Ti voglio tanto bene», J.Offenbahtyń «Gofman ertegileri» operasynan – Barkarola, «Dnı Týrbınyh» telefılminen – V. Basnerdiń «Beloı akasıı grozdıa dýshıstye» jáne A.Jubanov pen L.Hamıdıdiń «Abaı» operasynan ataqty «Toıbastar» oryndalmaq.
Teatrdyń jas kórermenderi úshin kúzdegi taǵy bir tartý – «Teatrǵa saıahat» toptamasynan qazaq tilinde ótetin «Túrli daýystar álemi» atty konsert. Balalardy opera óneriniń qyr-syrymen tanystyrý keshin mýzykatanýshy Tólegen Nazarbekov, teatrdyń tanymal solısteri, sondaı-aq «Astana Opera» teatry balalar stýdııasynyń hory, balalar horynyń jetekshisi Altynǵanym Ahmetova ótkizedi. Fortepıano partııasyn Raýshan Beskembırova oryndaıdy. Munda balalarǵa sopranodan bastap basqa deıingi operalyq daýystardyń barlyq túri boıynsha qyzyqty áńgime órbitiledi. Klassıkalyq vokaldyq shyǵarmalardan tanymal arııalar men dýetter oryndalady. Teatr mýzykatanýshylary ázirlegen bul baǵdarlamanyń basty maqsaty balalardy klassıkalyq mýzykaǵa baýlý, teatr óneriniń injý-marjanymen sýsyndatý, ozyq mádenıetke tárbıeleý bolyp tabylady.
