2020 jyldyń 5 qazanynda saǵat 16:00 shamasynda Qaratal APB kezekshi bólimine Úshtóbe qalasyndaǵy jeke úılerdiń birinen eki jastaǵy balanyń óli denesi tabylǵany týraly habarlama kelip tústi.
Atalǵan derek QR QK-niń 99-baby 3-bóligi (Jas balany óltirý) boıynsha tirkeldi. Polısııaǵa áıeldiń týǵan ápkesi habarlasqan.
Onyń aıtýynsha, ol shilde aıynan bastap jıenin kórmegen. Sińlisi ápkesine balany Taldyqorǵan qalasynda jaldamaly tárbıeshige bergenin aıtyp, úıine kirgizbegen.
Alaıda, ishteı kúdiktengen əıel, onyń joqtyǵyn paıdalanyp, tereze arqyly úıge kirip, muzdatqyshtan balanyń máıitin tapqan. Polıseıler dereý kúdiktini izdestirý sharalaryn júrgizip, birneshe saǵat ishinde Úshtóbe qalasynyń 27 jastaǵy turǵynyn ustady. Kúdikti ulyn óltirgenin moıyndaǵan.
Áıeldiń aıtýynsha, ol balanyń ákesimen ajyrasqan. Kúdikti ýaqytsha ustaý ızolıatoryna qamaldy.
