Sýretti túsirgen Rahım Koılybaev
Ekspedısııa quramy óz jumysyn Qazaq handyǵynyń astanasy Saraıshyq qalashyǵynan bastady. Saraıshyq saparynda mýzeı – qoryqtyń dırektory Muqtar Ábilseıit aldaǵy jyldarda josparlanǵan is-sharalarmen tanystyrdy. Mýzeı qyzmetkeri Oryn Saǵynbaeva arheologııalyq qazba jumystary júrgizilip jatqan qalashyqpen tanystyryp, sol dáýirdegi turǵyn úılerdiń erekshelikterin túsindirdi.
Ekspedısııa músheleri Atyraý oblysy, Mahambet, Inder aýdanynda ornalasqan aıtysker aqyn Bala Oraz О́tebaıulynyń, zar zaman aqyny Murat Móńkeulynyń, kúresker aqyn Mahambet О́temisulynyń zıratyna baryp, taǵzym etti. El qaıran qalatyndaı áıgili Tuzdykóldiń jaǵasyna baryp, tylsym tabıǵattyń ereksheligimen tanysty.
Sapardyń ekinshi kúni Atyraý oblysy, Jylyoı aýdanynda ornalasqan tarıhı oryndarmen tanysýmen jalǵasty. Juban ata mazary, Imanqara úńgiri, Aqkegershin borly ústirti, Aqmeshit, Qulshan ata mazary syndy tarıhı oryndaryna ekspedısııa músheleri baryp, tyń derektermen tanysty.
Ádilbek О́MIRZAQOV,
ekspedısııa múshesi
Atyraý – Mahambet – Inder-Jylyoı – Atyraý
