Prezıdent • 17 Qazan, 2020

QR Prezıdenti Reseı Qorǵanys mınıstrimen áskerı yntymaqtastyq máselelerin talqylady

26 ret kórsetildi

Memleket basshysy Qasym-Jomart Toqaev Qazaqstanǵa resmı saparmen kelgen Reseı Federasııasynyń Qorǵanys mınıstri Sergeı Shoıgýdi qabyldady.

Kezdesý barysynda Qazaqstan men Reseıdiń áskerı jáne áskerı-tehnıkalyq yntymaqtastyǵyn nyǵaıtý máseleleri talqylandy.

"Áskerı-tehnıkalyq sala, áskerı baǵyt Qazaqstan Respýblıkasy men Reseı Federasııasy arasyndaǵy strategııalyq seriktestik pen odaqtastyq qatynastarda mańyzdy oryn alady", dedi Prezıdent.

Memleket basshysy eki el arasyndaǵy qol qoıylǵan Áskerı yntymaqtastyq týraly shartty quptady jáne onyń Reseı Qorǵanys mınıstriniń Qazaqstanǵa jasaǵan saparynyń mańyzdy nátıjeleriniń biri ekenin aıtty.

Qasym-Jomart Toqaev Sergeı Shoıgýdi Jeńistiń 75 jyldyǵyna arnalǵan paradtyń joǵary deńgeıde uıymdastyrylyp, tabysty ótkizilgenimen quttyqtady.

Reseı Qorǵanys mınıstri kezdesýge jáne qazirgi zamannyń ózekti máselelerin talqylaýǵa múmkindik jasaǵany úshin Qazaqstan Prezıdentine alǵys aıtty.

"Áskerı jáne áskerı-tehnıkalyq yntymaqtastyqtyń dástúrli strategııalyq jáne odaqtastyq sıpaty bar. Búgingi qol qoıǵan kelisimniń asa mańyzdy ekeni sózsiz. Bul barlyq áskerı yntymaqtastyq týraly kelisimderdiń ishindegi eń aýqymdysy ári mazmundysy", dedi Sergeı Shoıgý.

Reseıdiń Qorǵanys mınıstri Qazaqstan áskerıleriniń Qyzyl alańda ótken Jeńistiń mereıtoılyq paradyna joǵary deńgeıde qatysqany úshin Memleket basshysyna alǵysyn bildirdi. Onyń aıtýynsha, bul eki el arasyndaǵy qatynastardyń joǵary deńgeıde ekenin kórsetti. Sonymen qatar ol Qazaqstan Qarýly Kúshteri sarbazdarynyń Halyqaralyq áskerı oıyndarǵa belsendi qatysqanyn atap ótti.

Kezdesý sońynda Qazaqstan Prezıdenti áskerı jáne áskerı-tehnıkalyq yntymaqtastyqty damytýǵa qosqan úlesi úshin Sergeı Shoıgýdi I dárejeli "Dostyq" ordenimen marapattady. Buǵan deıin habarlaǵanymyzdaı,búgin Nur-Sultanda Qazaqstannyń Qorǵanys mınıstri Nurlan Ermekbaev reseılik áriptesi Sergeı Shoıgýmen kezdesti. Kezdesý barysynda QR men RF arasyndaǵy áskerı yntymaqtastyq týraly jańartylǵan shart jasaldy.

 

 

Sońǵy jańalyqtar

Namysyn tý etken

Rýhanııat • Búgin, 20:00

"Qazfosfat" ónim eksportyn ulǵaıtýda

Ekonomıka • Búgin, 18:37

29 qazanda Senat otyrysy ótedi

Parlament • Búgin, 17:57

Qyzylordada sala úzdikteri marapattaldy

Aımaqtar • Búgin, 17:41

Qyzylordada ınternet alaıaq ustaldy

Qoǵam • Búgin, 17:15

Hosep Bartomeý otstavkaǵa ketti

Sport • Búgin, 17:07

Elordaǵa qarjy quıýǵa nıetti

Elorda • Búgin, 16:50

Shymbulaqqa aparar jol ońtaılandyryldy

Ekologııa • Búgin, 15:55

Qostanaıda elik atqan brakonerler ustaldy

Aımaqtar • Búgin, 15:05

29-31 qazan kúnderi kún jylynady

Aýa raıy • Búgin, 12:40

Shymkentte "Qazyǵurt" mádenıet úıi qaıta jandanady

Ońtústik Qazaqstan • Búgin, 12:30

Prezıdent Ahmetjan Esimovti qabyldady

Prezıdent • Búgin, 12:01

Jańa Almaty qalaı abattandyrylýda?

Aımaqtar • Búgin, 11:35

Ulytaýda uıadaı qonaq úı ashyldy

Aımaqtar • Búgin, 11:15

Atyraýda stýdentter jataqhanasy órtendi

Aımaqtar • Búgin, 11:05

Uqsas jańalyqtar