Polısııa qyzmetkerleri anyqtaǵandaı, jas jigit astanadaǵy avtoortalyqtardyń biriniń qaýipsizdik qyzmetinde jumys istegen. Kompanııa seıfinde iri kólemde aqsha jatqanyn bilgen ol urlyq jasamaq bolǵan. Josparyn júzege asyrý úshin 11-synypta oqıtyn 15 jasar qurbysyn paıdalanǵan.
"Avtoortalyq keńsesindegi kezekti aýysymyna kirisip, túnde qurbysyna habarlasyp, jumysyna shaqyrady. Tańǵy 05.00 shamasynda olar baltamen kassanyń plastık esigin buzyp, bólmeniń ishine kirgen. Sol baltamen temir seıfti buzbaq bolǵanda dabyl júıesi iske qosylady. Mundaıdy kútpegen jas jigit pen oqýshy qyz qylmys ornynan qashyp ketken", delingen mekeme habarlamasynda.
"Polısııa qyzmetkerleri júrgizgen jedel-izdestirý sharasy barysynda jup Qoıandy aýyly mańyndaǵy aǵash otyrǵyzatyn aımaqtan ustaldy. Olardyń aıtýynsha, ekeýi urlanǵan aqshaǵa shetelge qashyp ketpek bolǵan. Kúdikti ýaqytsha ustaý ızolıatoryna qamaldy. "Urlyqqa oqtalý" baby boıynsha qylmystyq is qozǵaldy", dep atap ótti polısııa qyzmetkerleri.
Qylmystyq iske kámeletke tolmaǵandy tartý isi boıynsha tergeý júrip jatyr. Oqýshy ata-anasyna tabystaldy.
